बागलुङबजार । अखिल नेपाल किसान महासङ्घ (अप्फा) बागलुङको पाँचौँ जिल्ला भेला सम्पन्न भएको छ ।
राष्ट्रिय जनमोर्चाका केन्द्रीय सदस्य गौरिश्वर पाण्डेको प्रमुख आतिथ्यमा २०८१ भदौ १ गते गलकोट हटियाबजारमा उक्त कार्यक्रम सम्पन्न भएको हो ।
प्रमुख अतिथि पाण्डेले उद्घाटन गर्नुभएको सो भेलामा राजमो केन्द्रीय सदस्य बेदिलाल सापकोटा, अखिल नेपाल शिक्षक सङ्घका केन्द्रीय सदस्य पुष्कर सापकोटा, राजमो गण्डकी प्रदेश समितिका उपाध्यक्ष धर्मबहादुर कुँवर, राजमो बागलुङका अध्यक्ष तिलक थापा, राजमो जिल्ला सचिव भीमलाल पोखरेल, राजमो जिल्ला सल्लाहकार टङ्क केसी, राजमो जिल्ला सदस्य तथा गलकोट नगर समितिका उपाध्यक्ष लालबहादुर राना, अखिल नेपाल जनजाति सम्मेलनका भक्तिराम पुन, जातीय समता समाजका रनबहादुर विकलगायतका अतिथिले शुभकामना दिनुभएको थियो ।
अध्यक्षमा सापकोटा
जिल्ला भेलाले बेदिलाल सापकोटा अध्यक्ष अध्यक्ष रहनुभएको तीन सल्लाहकारसहित नौ सदस्यीय अप्फाको बागलुङ जिल्ला समिति चयन गरेको छ ।
समितिको उपाध्यक्षमा होमबहादुर पुन, सचिवमा खडक विक, कोषाध्यक्ष लिलबहादुर घर्ती तथा सदस्यहरूमा तुल्सीराम खरेल, दिलबहादुर पुन, लक्ष्मीदत्त आचार्य, भीमनाथ शर्मा र मेयरसिंह छन्त्याल रहनुभएको छ ।
त्यस्तै, सल्लाहकारहरूमा धर्मबहादुर कुँवर, गुमानसिह खत्री र गङ्गा थापा रहनुभएको छ ।
कार्यक्रम लक्ष्मीदत्त आचार्यको अध्यक्षता, लिलबहादुर घर्तीको स्वागत मन्तव्य र खडक विकको सञ्चालनमा सम्पन्न भएको थियो ।
