रिमा छन्त्याल #

घुम्दै आयो तिज नयाँ उमङ्ग बोकेर
नाच्दै गाउँदै मनाऊँ तीज सबै मिलेर

कहिले बाढी कहिले पहिरो देश हाम्रो रोइरह्यो
विनाशकारी भूकम्प नि देशमा आइरह्यो

घाम र पानी जस्तै हुने अस्थिर छ सरकार
गणतन्त्र बदनाम भयो किन बारम्बार

सङ्घयताले देश हाम्रो कङ्गाल भइसक्यो
भ्रष्टाचार र महङ्गीले देशै खाइसक्यो

अन्याय र अत्याचार देशमा अति भो
युवाजति विदेशिए देश खाली भो

विकृति र कुरीति छ दैनिक जस्तै हत्या
निस्वार्थ सेवाभाव खै त मानवता

छाडा अश्लील संस्कृति देशमा भित्रियो
छैन अब मौलिकता लाजै सकियो

छाडा गीत अश्लील नाच अब बन्द गरौँ न
सभ्य र सार्थक संस्कार सुरु गरौँ न

पुँजीवादको असरले देशै थला पर्‍यो
खरानीभन्दा जोगी धेरै कसले के गर्‍यो

अव्यावहारिक शिक्षाले बेरोजगारी बढायो
आत्मनिर्भर मिहिनेती बानी हरायो

उठौँ दिदी उठौँ बहिनी उठौँ न दाजुभाइ
समुन्नत सुनौलो दिन ल्याउनलाई

जनता पाल्ने गरिब महिला नगरौँ तिरस्कार
यो गीतको अन्त्य भयो सबलाई नमस्कार