काठमाडौँ । अखिल नेपाल किसान महासङ्घ (अप्फा) चितवनले कृषिमलको विषयलाई लिएर ज्ञापनपत्र बुझाएको छ ।
२०८१ असार २५ गतेका दिन जिल्ला प्रशासन कार्यालयमार्फत प्रधानमन्त्रीलाई अप्फाले उक्त ज्ञापन बुझाएको हो ।
अप्फा केन्द्रीय समितिको घोषित कार्यक्रमअन्तर्गत बुझाइएको सो ज्ञापनमा समयमै कृषिमल नपाउँदा किसानले खेती लगाउन नपाएको उल्लेख छ ।
कालोबजारीकरण कारण कृषिमलको अभाव मौलाउँदा भारतबाट आयातित महङ्गो कृषिमलको मारका नेपाली किसानहरू परेको पनि ज्ञापनमा उल्लेख छ ।
अप्फाका चितवन जिल्ला अध्यक्ष लक्ष्मण चालिसेले प्रमुख जिल्ला अधिकारीलाई ज्ञापन बुझाउनुभएको थियो ।
प्रतिनिधिमण्डलका सहभागी अप्फाका केन्द्रीय सदष्य विष्णु पौडेलले ज्ञापनपत्र वाचन गर्नुभएको थियो ।
ज्ञापनपत्र बुझाउने प्रतिनिधिमण्डलमा डम्मर पुरी, अम्मरबहादुर क्षेत्री, भविश्वर शर्मा, मोहराज चालिसे, केएन शर्मा, कालीदास सुवेदी र इन्द्र पौडेलसमेत सहभागी हुनुहुन्थ्यो ।
ज्ञापनपत्र बुझ्दै प्रमुख जिल्ला अधिकारीले समस्या समाधानमा सहजीकरणको प्रयास गर्ने बताउनुभयो ।
