महेश रिजाल, भालुबाङ (दाङ) ।

दाङको घोराहीबाट बुटवलतर्फ आउँदै गरेको रा १ ख २०६३ नम्बरको मिनी ट्रकले भालुबाङबाट लालमटियातिर जाँदै गरेको लु १४ प ४१९९ नम्बरको मोटरसाइकललाई ठक्कर दिँदा मोटरसाइकल चालक गढवा–१ कालाकाटे कलोनी निवासी ४० वर्षीय सन्तोषकुमार योगीको निधन भएको छ ।

घाइते सन्तोषकुमारको उपचारको क्रममा भालुबाङ अस्पतालमा २०८१ असार २२ गते शनिबार निधन भएको हो ।

इलाका प्रहरी कार्यालयका अनुसार पूर्वपश्चिम राजमार्गको भालुबाङ पुलचोकनजिकै फियरीखोला पुलनेर शनिबार बिहान ११ः५५ तिर दुर्घटना भएको थियो । घटनालगत्तै उनलाई भालुबाङ अस्पताल पुर्‍याइएको थियो । मृतक योगीको टाउको र दुवै खुट्टामा गम्भीर चोट लागेको थियो ।

ट्रकचालक र ट्रकलाई प्रहरीले नियन्त्रणमा राखी थप अनुसन्धान भइरहेको प्रहरी निरीक्षक अमरबहादुर माझीले जानकारी दिनुभयो ।