सन्धिखर्क । अर्घाखाँचीको जिल्लाको भूमिकास्थान नगरपालिकाले बिपत् व्यवस्थापन तथा पूर्वतयारीसम्बन्धी दुईदिने युवा स्वयम्सेवक परिचालन तालिम सम्पन्न गरेको छ।
शिक्षा, युवा तथा खेलकुद शाखाको आयोजनामा युवा स्ययम्सेवक परिचालन तालिम २०८१ जेठ ३२ र असार १ गते सम्पन्न भएको हो ।
भूमिकास्थान नगरपालिका नगरस्तरीय युवा सञ्जालका संयोजक टेकराज भुसालको सहजीकरण असार १ गते समापन सत्र सम्पन्न भएको थियो ।
कार्यक्रममा नगरपालिकाका प्रमुख प्रशासकीय अधिकृत जगदीशचन्द्र नेपाली, शिक्षा, युवा तथा खेलकुद शाखाका प्रमुख तुवलाल सापकोटा, प्रशिक्षक लिलबहादुर विक र राजेश पाण्डेको उपस्थिति रहेको थियो ।
जेठ ३२ गतेदेखि सुरु भएको तालिममा नगरपालिकाका दशओटै वडाबाट ५० जना युवाको उपस्थिति थियो । उनीहरूलाई प्राकृतिक प्रकोप, विपत्तिलगायतका विषय प्रशिक्षकहरूले प्रशिक्षण दिनुभएको थियो ।
युवा सञ्जालको बैठक
यसैबिच, भूमिकास्थान नगरपालिका नगरस्तरीय युवा सञ्जालको बैठक सम्पन्न भएको छ ।
बैठकले सामाजिक विकास मन्त्रालयले आर्थिक वर्ष २०८०/८१ को स्वीकृत कार्यक्रमअन्तर्गत राष्ट्रिय युवा परिषद् (सङ्घ सःशर्त अनुदान) को प्रदेश स्तरीय नमुना युवा संसद अभ्यास कार्यक्रमका लागि भूमिकास्थान नगरपालिका नगरस्तरीय युवा सञ्जालका संयोजक टेकराज भुसालको नेतृत्वमा सहभागी हुनेलगायतका निर्णय गरेको जानकारी प्राप्त भएको छ ।
