जनक बिसी
देश धितो राखि पैसामा रमाउनेहरु ,
अत्तालिएको बेला
खुट्टा लरखराएको बेला
ती पाईलाहरु
जसरि कदम कदममा
जित पाई राखेका छन ।
देशलाई खण्ड–खण्ड पारि रमाउने जल्लादहरु
आफैँ खण्डित हुँदा
देश प्रेमीहरुको हुल देखेर पछि हट्दा
ती पाईलाहरुमा
जोश जाँगर र उत्साह छ
जुन जितको नजिकमा छन ।
देशलाई प्लटिङ गर्नेहरु
अखण्ड देशको आकाश गुन्जीएको आवाज सुन्दा
षड्यन्त्रका सडेगलेको पोकाहरु फुट्दा
जनताको एक नयाँ कदम
जनबादी गीत र संगीत सँगै ,
आज ती बिजयको समिपमा लम्किरहेका छन् ।
देशमा संघीयता नै विकास मान्नेहरु
संघीयताा चाहिँदैन देश टुक्राउन पाईदैन सुन्दा
भारतीय साम्राज्यवादी जालो
आफ्नै घाँटिको गल पासो बन्दा ,
संघीयताखारेजिका आवाजहरु ,
हिमाल पहाड तराईका कुना कन्दराहरुमा ,
रक्तिमको धुन र आवाज बनी गुन्जी रहेका छन्।
जातिको पहिचान र राज्य खोज्नेहरु
आफ्नै पार्टीको पहिचान नै मेटिन पुग्दा ,
सत्ता कब्जाको ती सपनाहरु २१ औं शताब्दीको बहुदलीय मोडेलको नेकपा बनेर पछि हटदा ,
सहिद परिबार बेपत्ता र श्रमजीवी नेपाली जनताका सपनाहरु सिह दरबारभित्र कैदि बनेर बसे ।
यद्यपी सत्ता कब्जाको पाखन्डि सपनाबाट तिमिहरु
जनतालाई बेईमानि कदम चालिरहदा
देश बचाउने देशभक्त सन्ततिहरु नजिकिएको जितसँगै बिजयका गित गाईरहेका छन ।
