काठमाडौँ । भोजपुरमा बोलेरो दुर्घटना हुँदा दुई जनाको मृत्यु भएको छ। दुर्घटनामा अन्य १२ जना घाइते भएका छन्। घइतेमध्ये चारजना बालबालिकाको अवस्था गम्भीर छ।
भोजपुरकै आमचोक गाउँपालिका–८ पारकुवा भन्ने ठाउँमा सोमबार को १ ज २६१७ नम्बरको बोलेरो सडकबाट दुई सय मिटर तल खसेर दुर्घटनामा परेको जिल्ला प्रहरी कार्यालय भोजपुरले जनाएको छ।
आमचोकबाट भोजपुरकै पारकुवातर्फ जाँदै बोलेरो दुर्घटनामा परेको हो ।
दुर्घटनामा आमचोक गाउँपालिका–१० पाङ्चाकी २७ वर्षीया रुना राईको घटनास्थलमै र सुनसरीको धरान उपमहानगरपालिका ५ की ३६ वर्षीया शान्ति राईको उपचारका क्रममा मृत्यु भएको जिल्ला प्रहरी कार्यालय भोजपुरले जनाएको छ।
दुर्घटनामा घाइते भएका सबैको धरानस्थित बिपी कोइराला स्वास्थ्य विज्ञान प्रतिष्ठानमा उपचार भइरहेको छ। दुर्घटनामा बोलेरो चालक भोजपुर आमचोक गाउँपालिका१ का ३६ वर्षीय प्रकाश राई पनि घाइते भएका छन्।
यी हुन् २ मृतक र १२ घाइते
१. जि. भोजपुर आमचोक गा.पा १० बस्ने वर्ष २७ की रुना राई घटनास्थलमा नै मृत्यु भएको । लाश पोस्टमार्टमको लागि प्रहरी कर्मचारीको साथ लगाई घोपा धरान पठाएको ।
२.जि. सुनसरी धरान उ.म.न.पा. ५ बस्ने वर्ष ३६ की शान्ति राईको उपचारको क्रममा घोपा धरानमा मृत्यु भएको।
पुरुष घाइतेहरु
१. चलाक जि. भोजपुर आमचोक गा.पा १ बस्ने अन्दाजी वर्ष ३६ को प्रकाश राई -टाउको,पेट , खुट्टामा चोट बोल्न सक्ने।
२. ऐ.ऐ. आमचोक गा.पा १ बस्ने वर्ष ३० को सुमन राई टाउकोमा चोट बोल्न सक्ने ।
३. ऐ.ऐ आमचोक गापा १० बस्ने वर्ष ६० को बीर बहादुर राई अनुहार र टाउकोमा चोट बोल्न सक्ने।
महिला घाइतेहरु
१. जि. सुनसरी धरान उ.म.न.पा. ५ बस्ने बस्ने वर्ष ३३ की श्रृजना राई – अनुहार र टाउकोमा चोट अबस्था बोल्न सक्ने।
२. जि. भोजपुर आमचोक गा.पा १० बस्ने वर्ष ३१ सरस्वती राई अनुहार,पेट , टाउकोमा चोट बोल्न सक्ने।
बालक घाइतेहरु
१. जि. सुनसरी धरान उ.म.न.पा. ५.बस्ने दिनेश राईको छोरा वर्ष १३ को साईमन राई वायाँ खुट्टामा ठूलो चोट अवास्था मध्यम।
२. जि.भोजपुर आमचोक गापा १० बस्ने नविन राईको छोरा बर्ष ५ को सायल राई टाउको, खुट्टामा चोट बोल्न सक्ने।
३. ऐ.ऐ. बस्ने बिजय राईको छोरा ६ महिनाको अनर्प राई (मृतक रुना राईको छोरा) टाउकोमा चोट अबस्था गम्भिर।
४. जि. सुनसरी धरान उ.म.न.पा. ५बस्ने रोशन राईको छोरा बर्ष ५ को खानुहाङ राई (मृतक शान्ति राईको छोरा) निधारमा पिल्सिएको अबस्था गम्भिर।
बालिका घाइतेहरु
१. जि. सुनसरी धरान उ.म.न.पा. ५. बस्ने बर्ष १३ की लिजा राई टाउकोमा चोट बोल्न सक्ने।
२. ऐ.ऐ. बस्ने रोशन राईको छोरी बर्ष ९ की आशिका राई (मृतक शान्ति राईको छोरी) बायाँ हातमा चोट अबस्था गम्भिर।
३. जि.भोजपुर आमचोक गापा १० बिजय राईको छोरी बर्ष -५ कि सृष्टी राई (मृतक रुना राईको छोरी) अनुहारमा चोट अबस्था गम्भिर।
