काठमाडौं । पोखरामा शनिबार साँझ बस दुर्घटना हुँदा १९ जना घाइते भएका छन् । घाइतेमध्ये ६ जना डिस्चार्ज भएका छन् भने अन्यको अस्पतालमा उपचार भइरहेको छ ।

जिल्ला प्रहरी कार्यालयका अनुसार बागलुङबाट तनहुँतर्फ आउँदै गरेको ग १ ख ९२९७ नम्बरको बस शनिबार साँझ ७ः३० बजे पोखरा महानगरपालिका–२५ हेम्जा गुम्बानजिक दुर्घटना हुँदा १९ जना घाइते भएका हुन्।

तीमध्ये ३ जना हिजै र ३ जना आज बिहान गरी ६ जना अस्पतालबाट डिस्चार्ज भएका जिल्ला प्रहरी कार्यालय कास्कीका प्रमुख, प्रहरी उपरीक्षक (एसपी) मोहनकुमार थापाले जानकारी दिए ।

बाँकी १३ जनाको उपचार जारी रहेको र सबैको अवस्था सामान्य रहेको उनले बताए ।