काठमाडौं । माधव नेपाल नेतृत्वको नेकपा (एकीकृत समाजवादी) लाई औपचारिक रुपमा सत्तागठबन्धनमा समेट्दै गठबन्धनले सात बुँदे विज्ञप्ति जारी गरेको छ ।
गत फागुन २१ गते बनेको नेकपा एमाले र नेकपा माओवादी केन्द्रसहितको गठबन्धनले ८ दिनमै दोस्रो संयुक्त वक्तव्य जारी गरेका हुन् ।
एकीकृत समाजवादीले राष्ट्रिय सभा अध्यक्षमा गठबन्धनका उम्मेदवारलाई सघाउन र प्रधानमन्त्री पुष्पकमल दाहाललाई विश्वासको मत दिन लिखित सहमति जनाउनुपर्ने बताएको थियो ।
संसद् भवन नयाँबानेश्वरमा राष्ट्रिय सभाको अध्यक्षका लागि निर्वाचन अघि बढिरहँदा पाँच दलले संयुक्त वक्तव्य जारी गरेका हुन् । वक्तव्यमा प्रधानमन्त्री पुष्पकमल दाहाल प्रचण्डको नेतृत्वमा फागुन २१ गते पुनर्गठित सरकारलाई सुदृढ र सफल बनाउने उल्लेख गरेका छन्।
पाँच दलको वक्तव्यमा मंगलबार भइरहेको राष्ट्रिय सभा अध्यक्षको निर्वाचनमा माओवादी केन्द्रका नारायण दाहाललाई सघाउने र बुधबार प्रधानमन्त्री प्रचण्डले लिन लागेको विश्वासको मतको पक्षमा उभिने उल्लेख गरिएको छ।
सत्ताबाट बाहिरिएपछि कांग्रेसले प्रचण्ड सरकारलाई दिएको समर्थन यही फागुन २२ मा फिर्ता लिएको थियो। कुनै दलले समर्थन फिर्ता लिएमा वा सरकारमा सहभागी दल विभाजन भएमा ३० दिनभित्र प्रधानमन्त्रीले विश्वासको मत लिनुपर्ने संवैधानिक व्यवस्था छ।
गत वर्ष पुस ११ मा प्रधानमन्त्री नियुक्त प्रचण्डले तेस्रोपटक विश्वासको मत लिन लागेका हुन्। यसअघि उनले गत वर्ष पुस २६ मा पहिलोपटक र चैत ६ मा दोस्रोपटक विश्वासको मत लिएका थिए।
यस्तो, छ संयुक्त वक्तव्य
