काठमाडौं । देशव्यापी लकडाउनका कारण काठमाडौंबाट आफ्नो घर जान नपाएकाका लागि दुई दिन खुला गरिएको छ । शुक्रबार र शनिबार दुई दिन काठमाडौं बाहिर जान खुला गरिएको हो ।

उपप्रधानमन्त्री तथा रक्षा मन्त्री इश्वर पोखरेलको नेतृत्वमा रहेको उच्चस्तरीय समितिले यस्तो निर्णय गरेको हो । यी दुई दिनमा उपत्यकाबाट बाहिर जान पाए पनि उपत्यकामा प्रवेश गर्न भने पाइने छैन ।

बाहिरिने मानिसहरुको व्यवस्थापन कसरी गर्ने भन्ने विषयमा मोडालिटि बनाउन अहिले गृह मन्त्रालयमा बैठक बसिरहेको छ ।

तर, सरकारले उपत्यकाबाट बाहिरिन दिने निर्णय गरेपनि सीमामा अलपत्र परेका नेपालीबारे केही निर्णय गरेको छैन ।