प्रकाश थापामगर

सहिदका कारण छन् दुइटा–
देश र जनता
तर अहिले भने
थप्न खोजिँदै छ त्यसमा धेरै ‘प्रकार’
हुँदै छ “अनुसन्धान”

पदक बाँडिएकै छन्
प्रत्येक वर्ष
पुगेनछ त्यतिले पनि अब
‘सहिद’ मै छ हाडालुछी
के रहेछ त्यस्तो
‘सहिद’ का पछाडि ?
सोच्नैपर्ने भयो

रक्षा– राष्ट्रियता, सार्वभौमिकता र अखण्डताको
आमूल परिवर्तन– जनताको जनजीवनमा
यही होइन र ‘सहिद’ को कारण ?
किन हुँदै छ विचलन ?
हुन नदिऊँ ‘सहिद’ खिचडी’
सोचौँ सहिदको बारेमा

वि.सं. १९९७ माघ महिना
बलिदान चार सहिदको
यो हो साँच्चै ‘सहिद दिवस’
निहित स्वार्थभन्दा पर

भावपूर्ण श्रद्धाञ्जली
महान् सहिदहरूप्रति !

(२०८० माघ १६ गते
काठमाडौँ)