वीरेन्द्रनगर । चित्रबहादुर केसी प्रतिष्ठानको तेस्रो साधारणसभा सम्पन्न भएको छ ।
सुर्खेतको वीरेन्द्रनगरमा २०८० पुस २७ गते शुक्रबार साधारणसभा सम्पन्न भएको हो ।
साधारणसभाको उद्घाटन अखिल नेपाल महिला सङ्घकी केन्द्रीय सदस्य कृष्णकुमारी रावलले गर्नुभएको थियो ।
कार्यक्रमलाई राष्ट्रिय जनमोर्चा कर्णाली प्रदेश अध्यक्ष पूर्णबहादुर शाही र राजमो सुर्खेतका सचिव कटकबहादुर शाहीले शुभकामना दिनुभएको थियो ।
साधारणसभाले मोहन थापामगर अध्यक्ष रहनुभएको सात सदस्य केन्द्रीय समिति चयन गरेको छ ।
समितिको उपाध्यक्षमा गोविन्दप्रसाद सुवेदी, महासचिवमा मणिराम देवकोटा, सचिवमा कृष्णकुमारी रावल र कोषाध्यक्षमा मिनबहादुर थापा रहनुभएको छ ।
समितिको सदस्यहरूमा भूपेन्द्रबहादुर नेपाली र धर्मा रिजाल तथा सल्लाहकारहरूमा जनकराज शर्मा, रत्नविक्रम राना प्यासी र भानुभक्त भारती रहनुभएको छ ।
प्रतिष्ठान अध्यक्ष रत्नविक्रम रानाप्यासीको अध्यक्षता तथा सचिव सचिव मोहन थापाको सञ्चालनमा अघि बढेको सो कार्यक्रममा गोविन्दप्रसाद सुवेदी स्वागत मन्तव्य राख्नुभएको थियो ।
