काठमाडौँ । आगामी माघ ११ गते हुने राष्ट्रियसभा निर्वाचनमा सबैभन्दा बढी मतभार मधेस प्रदेशमा देखा परेको छ । त्यहाँ सबैभन्दा बढी १० हजार ७४४ मत रहेको छ ।
२०८० पुस २२ गते आइतबार निर्वाचन आयोगले जारी गरेको अन्तिम मतदाता नामावलीमा सो तथ्य उल्लेख छ ।
आयोगका प्रवक्ता शालिग्राम शर्मा पौडेलको हस्ताक्षरमा जारी उक्त नामावलीमा दोस्रो स्थानमा बागमती प्रदेश रहेको छ । त्यहाँ १० हजार ३३३ मतभार रहेका छन् ।
त्यसैगरी, तेस्रो स्थानमा कोशी प्रदेश १० हजार १३५, चौथो स्थानमा लुम्बिनी प्रदेश ८ हजार ७५३, पाँचौँ स्थानमा गण्डकी प्रदेश ६ हजार ४१०, छैटौँ स्थानमा सुदूरपश्चिम प्रदेश ६ हजार १०० र सबैभन्दा कम कर्नाली प्रदेशमा ५ हजार ८४ मतभार रहेका छन् ।
त्यस्तै, प्रतिमत ५३ मतभार तोकिएको प्रदेशसभातर्फ प्रथम स्थानमा बागमती प्रदेश रहेको छ । त्यहाँ ५ हजार ८३० मतभार रहेको छ भने दोस्रो स्थानमा रहेको मधेस प्रदेशमा ५ हजार ६७१ मतभार रहेका छन् ।
त्यसैगरी तेस्रो स्थानमा कोशी प्रदेश ४ हजार ९२९, चौथो स्थानमा लुम्बिनी प्रदेश ४ हजार ६११, पाँचौँ स्थानमा गण्डकी प्रदेश ३ हजार १८०, छैटौँ स्थानमा सुदूरपश्चिम २ हजार ७५६ र सातौँ स्थानमा कर्नाली प्रदेश २ १२० मतभार रहेको छ ।
यता, प्रति मत १९ मतभार रहेको स्थानीय तहतर्फ सबैभन्दा बढी मतभार कोही प्रदेशमा ५ हजार २०६ तथा दोस्रो स्थानमा मधेस प्रदेशमा ५ हजार ७३ मतभार रहेको छ ।
त्यसैगरी, तेस्रो स्थानमा बागमती प्रदेश ४ हजार ५०३, चौथो स्थानमा लुम्बिनी प्रदेश ४ हजार १४२, पाँचौँ स्थानमा सुदूरपश्चिम प्रदेश ३ हजार ३४४ र कर्नाली प्रदेश २ हजार ९६४ मतभार रहेको छ ।
एवम् प्रकारले प्रदेशसभातर्फ कुल ५४९ मतदाता रहेकोमा कोशीमा ९३, मधेसमा १०७, बागमतीमा ११०, गण्डकीमा ६०, लुम्बिनीमा ८७, कर्नाली प्रदेशमा ४० र सुदूरपश्चिममा ५२ मतदाता रहेका छन् ।
यता, स्थानीय तहतर्फ कुल १ हजार ४९८ मतदाता रहेकोमा कोशीमा २७४, मधेसमा २६७, बागमतीमा २३७, गण्डकीमा १७०, लुम्बिनीमा २१८, कर्नालीमा १५६ र सुदूरपश्चिममा १७६ मतदाता रहेका छन् ।
