काठमाडौं । बूढानीलकण्ठ नगरपालिकामा भएको राष्ट्रपति रनिङ शिल्ड प्रतियोगितामा बालुवाखानीस्थित फेरिल्याण्ड इ्नटरनेसनल स्कुलले तीनवटा स्वर्णसहित पाँच पदक जितेको छ।
पुस १४ देखि १७ गतेसम्म भएको प्रतियोगितामा सो विद्यालयले पाँच पदक जितेको हो ।
विद्यालयका प्रधानाध्यापक विष्णुचन्द्र अधिकारीका अनुसार प्रतियोगितामा कृतिका कटुवालले (४२ केजी), अपेक्षा ढुङगाना (४४ केजी) र योगेन्द्र राईले (४८ केजी)मा स्वर्ण पदक जितेका छन् भने एलिथिया तामाङले ४६ केजीमा रजत पदक प्राप्त गरेकी छन्।
त्यस्तै छात्रा ४ गुणा १०० मिटर रिले दौडमा सुबन्दी तामाङ, अपेक्षा ढुङ्गाना, कृतिका कटुवाल र सुबेक्षा गौतमले रजत पदक प्राप्त गरेका छन् ।
प्रतियोगितामा नगरपालिकाभित्रका १२ वटा सामुदायिक र २८ वटा संस्थागत गरि ४० वटा माध्यमिक विद्यालयहरू सहभागी थिए ।
प्रतियोगितामा भलिबल (छात्र तथा छात्रा), कबड्डी (छात्र तथा छात्रा), दौडतर्फ ट्रयाक दौड र रिले दौड, उफ्रने र फ्याँक्ने, (फिल्ड) तर्फ छात्र हाइजम्प, लङजम्प, त्रिपलजम्प, ज्याभलिङ, र मार्सल आर्ट तर्फ तेक्वान्दो जस्ता खेलहरु समावेश थिए ।
