शङ्करप्रसाद पोख्रेल
बुटवल । नेपाल कम्युनिस्ट पार्टी रुपन्देहीले काठमाडौं जिल्ला अदालतका न्यायधीश कमलप्रसाद ज्ञवालीको पुत्ला दहन गरेको छ ।
२०८० मङ्सिर २० गतेका दिन पार्टीका केन्द्रीय सदस्य शरद ओलिको नेतृत्वमा बुटवलमा पक्राउ पुर्जी जारी गर्ने न्यायधीशको पुत्ला दहन एवम् मसाल जुलुस प्रदर्शन गरेको हो ।
जिल्ला अदालत काठमाडौंले नेपाल कम्युनिस्ट पार्टीका महासचिव नेत्र बिक्रम चन्द (विप्लव) पार्टी प्रवक्ता खडकबहादुर विश्वकर्मा, माइला लामा लगाएतका नेताहरूलाई पक्राउ पुर्जी जारी गरेको थियो ।
पुत्ला दहन पछि उक्त कार्यक्रमलाई सम्बोधन गर्दै जिल्ला सेक्रेटरी बिरेन्द्र सीले तत्कालीन ओलि सरकारसँग पार्टीले गरेको तीन बुँदे सम्झौता लागू हुनुपर्ने, महासचिव लगाएत सबै नेता कार्यकर्ताहररूका झुटा मुद्दा खारेज हुनुपर्ने बताउनु हुँदै राज्यले बेवास्ता गरे पुन: जनविद्रोह गर्ने चेतावनी दिनु भएको थियो ।
सो कार्यक्रमलाई प्रहरीले तितरबितर पार्ने कोसिस गरेका थिए । नेकपाले अदालतको फैसला विरुद्ध देश व्यापी बिरोधका कार्यक्रम सार्वजनिक गरेको रुपन्देही इन्चार्ज बिरेन्द्र सिले बतएका छन।
