हेटौँडा । मकवानपुरको मकवानपुरगढी गाउँपालिका–२ धुवाडीपुलनजिक मोटरसाइकल दुर्घटना हुँदा एकै परिवारका तीन जनाको ज्यान गएको छ ।

३५ वर्षीय भीमबहादुर स्याङ्तान, उनकी पत्नी ३४ वर्षीय रुपा स्याङ्तान र करिब पाँच महिनाकी छोरीको मृत्यु भएको हो ।

सुकौराबाट कान्तिलोकपथ तर्फ आउँदै गरेको प्रदेश ३–०२–०१२ प ६९११ नम्बरको मोटरसाइकल आफैँ अनियन्त्रित भई पुल छेउबाट करिब १२ मिटर तल खसेको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक लक्ष्मी भण्डारीले जानकारी दिए।

आमा छोरीको घटनास्थलमै मृत्यु भएको थियो भने भीमबहादुरको उपचारका क्रममा ज्यान गएको हो।

मृतक तीनै जनाको शव हेटौंडा अस्पतालमा राखिएको छ।