काठमाडौं । रुपन्देहीको देवदह नगरपालिका ८ भलुहीमा बस दुर्घटना हुँदा २० जना घाइते भएका छन् ।

काठमाडौँबाट दाङ जाँदै गरेको बाप्र ०३–००१ नम्बरको बस गएराति पौने १२ बजे सडकमा पल्टिँदा २० यात्रु घाइते भएका जिल्ला प्रहरी कार्यालय रुपन्देहीले जनाएको छ।

प्रहरीका अनुसार घाइतेमध्ये दुईजनाको अवस्था गम्भीर रहेको छ। बसमा सवार ३८ मध्ये बाँकी १८ जना भने सकुशल रहेका छन् ।

घाइतेहरुको देवदह मेडिकल कलेजमा उपचार भइरहेको छ। दुर्घटनापछि बसका चालक प्युठान झिमरुकका प्रदीप परियारलाई प्रहरीले पक्राउ गरेको छ।

यी हुन् गम्भीर र मध्यम घाइते
१) दाङको शान्तिनगर– ५ बस्ने २९ वर्षीय वीरेन्द्र चौधरी, टाउकोमा चोट, अवस्था गम्भीर ।
२) सल्यानको कपुरकोट–५ बस्ने ४० वर्षीया रिखि साहु, टाउकोमा चोट, अवस्था गम्भीर ।
३) रोल्पाको होलेरी बस्ने ५६ वर्षीय प्रेम चलाउने, छाती र दायाँ घुँडामा चोट, अवस्था मध्यम ।
४) रोल्पाको गंगादेव–२ बस्ने २४ वर्षीय भीम ओली, टाउकोमा चोट, अवस्था मध्यम ।
५) सल्यानको कपुरकोट–१ बस्ने ११ वर्षीय प्रेम रावत, टाउकोमा चोट, अवस्था मध्यम ।
६) दाङको तुलसीपुर उपमहानगरपालिका १४ बस्ने २५ वर्षीया पूर्णिमा डाँगी, निधारमा चोट, अवस्था मध्यम ।
७) नुवाकोटको बिदुर नगरपालिका–१० बस्ने २१ वर्षीया संगिता मोक्तान, निधारमा चोट, अवस्था मध्यम ।

सामान्य घाइते भएकाहरुको नामावली
१) सल्यानको कपुरकोट–५ बस्ने ७ वर्षीया दिपिका साहु ।
२) सल्यानको कपुरकोट–१ बस्ने ३५ वर्षीय प्रकाश राउत ।
३) सल्यानको बनगाड कुपिण्डे–९ बस्ने २४ वर्षीय तिलक बुढाथोकी ।
४) रोल्पाको होलेरी बस्ने ७ वर्षीय रण बहादुर चलाउने ।
५) नुवाकोटको बिदुर नगरपालिका–१० बस्ने २६ वर्षीय नवराज मोक्तान ।
६) नुवाकोटको बिदुर नगरपालिका– १० बस्ने एक वर्षीय विश्वास मोक्तान ।
७) दाङको तुलसीपुर उपमहानगरपालिका–१४ बस्ने ३२ वर्षीय शरद ओली ।
८) दाङको शान्तिनगर–३ बस्ने २७ वर्षीया समीक्षा गाहा ।
९) दाङको घोराही–९ बस्ने १७ वर्षीय राहुल शाह ।
१०) दाङको घोराही उपमहानगरपालिका–९ बस्ने २० वर्षीया मनिका योगी ।
११) दाङको बबई गाउँपालिका–५ बस्ने २७ वर्षीया देविका बिएम (बुढामगर) ।
१२) सप्तरीको राजविराज–१२ बस्ने ६० वर्षीय शिव नारायण रजत ।
१३) सप्तरीको राजविराज–१२ बस्ने ६० वर्षीया ललिता देवी रजत ।