काठमाडौँ । पशु स्वास्थ्य तथा पशुसेवा व्यवसायी परिषद् गठन भएको छ ।
कृषि तथा पशुपन्छी मन्त्री डा. वेदुराम भुसालको उपस्थितिमा २०८० कात्तिक २१ गते काठमाडौँमा समितिको घोषणा गरिएको हो ।
पशु स्वास्थ तथा पशुसेवा व्यवसायी परिषद् ऐन–२०७९ अनुसार मन्त्री डा. भुसालले मन्त्रालयमा ओहदाको प्रमाणपत्र हस्तान्तरण गर्नुभएको थियो । नेपाल सरकार मन्त्रिपरिषद्को २०८० कात्तिक १६ गतेको निर्णयबमोजिम सो समितिले पूर्ण पाएको हो ।
मन्त्री डा. भुसालले कृषिसचिव डा. गोविन्द शर्मा र पशुपन्छी सचिव डा. रेवतिरमण पौडेलको उपस्थितिमा परिषद्का लागि अध्यक्षको जिम्मेवारीमा पशुविकास विशेषज्ञ देवेन्द्र यादव, उपाध्यक्षमा जनकबहादुर रावलसहित थप १६ जना पशुसेवामा संलग्न विभिन्न विधा र क्षेत्रका पेसाकर्मी ब्यक्तित्वलाई परिषद्को कार्यकारिणी सदस्यमा नियुक्त गर्नुभएको थियो ।
परिषद्को रजिस्ट्रारमा नेपाल पाराभेटेरिनरी एन्ड लाइभस्टक एसोसियसनका पूर्व अध्यक्ष पूर्णबहादुर बुढा नियुक्त हुनुभएको छ ।
त्यसैगरी, कार्यकारिणी सदस्यहरूमा लोकराज भुसाल, खितबहादुर श्रेष्ठ, रामप्रसाद मेहता, काजिबहादुर श्रेष्ठ, कमलबहादुर विश्वकर्मा, गीतादेवी धमला, धर्मराज जैसी, सुजल उप्रेती, प्रमोदकुमार रिजाल, शङ्कर सिंह, सुरेशकुमार श्रेष्ठ, सियाराम प्रसाद सिंह, उमा कार्की, रामप्रसाद मेहता, गैरिदेवी थापा, ठाकुरनाथ पराजुली र स्वयम्प्रकाश श्रेष्ठ रहनुभएको छ ।
