तौलिहवा । कपिलवस्तु जिल्लाको बुद्धभूमि नगरपालिका वडा नं. ९ मा राष्ट्रिय जनमोर्चाको वडाभेला सम्पन्न भएको छ ।
राजमो जिल्ला सचिव केरसिंह अदैको प्रमुख आतिथ्यमा २०८० कात्तिक १९ गते शनिबार इमलियामा भेला सम्पन्न भएको हो ।
प्रेम लम्सालको अध्यक्षता अघि बढेको उक्त भेलालाई सम्बोधन गर्दै प्रमुख अतिथ अदैले राष्ट्र, राष्ट्रियताको विषयमा राष्ट्रिय जनमोर्चा अग्रपङ्क्तिमा सङ्घर्ष गरेको बताउनुभयो ।
भेलालाई राजमो जिल्ला सदस्य तथा बुद्धभूमि नगर अध्यक्ष डिलाराम भुसाल र अखिल नेपाल महिला सङ्घकी जिल्ला सदस्य तथा राजमो जिल्ला सल्लाहकर शारदा पौडेलले मन्तव्य राख्नुभएको थियो ।
भेलाले प्रेम लम्साल अध्यक्ष रहनुभएको ११ सदस्यीय राजमोको वडासमिति गठन गरेको ।
समितिको उपाध्यक्षमा हुमकला भुसाल, सचिवमा मधु खनाल र कोषाध्यक्षमा गोमा भट्टराई रहनुभएको छ ।
त्यस्तै सदस्यहरूमा ढालबहादुर भण्डारी, ज्ञानुमाया गुरुङ, जगदीश केवट, राजेश केवट र नरबहादुर गुरुङ रहनुभएको छ ।
भेलाले खिमबहादुर विक र तोपबहादुर कुमाललाई सल्लाहकारमा चयन गरेको छ ।
भेलाको सञ्चालन नरबहादुर घर्तिमगर ले र स्वागत खिमबहादुर विकले गर्नुभएको थियो ।
