कृष्ण केसी, भरतपुर ।
चितवन भरतपुर महानगरपालिकाको वडा नं. ११ मा राष्ट्रिय जनमोर्चाको वडासमिति गठन भएको छ ।
राजमो केन्द्रीय सदस्य देवी शर्माको प्रमुख आतिथ्य तथा अर्का केन्द्रीय सदस्य राजेन्द्र ढुङ्गानाको विशिष्ट आतिथ्यमा २०८० असोज २७ गते शनिबारका दिन सम्पन्न भेलामा सो समिति गठन भएको हो ।
समितिको अध्यक्षमा विष्णु पौडेल, उपाध्यक्षमा कृष्ण सुवेदी, सचिवमा भविश्वर पौडेल र कोषाध्यक्षमा भगवती शर्मा रहनुभएको छ ।
त्यस्तै, सदस्यहरूमा विष्णु क्षेत्री, शिव चालिसे, जुना अधिकारी, विनोद आचार्य, दुर्गा पौडेल र पूर्णप्रकाश आचार्य रहनुभएको छ ।
एवम् प्रकारले सल्लाहकारमा नैनसिंह कार्की र गुणनिधि आचार्य रहनुभएको छ ।
नवनिर्वाचित समितिलाई अखिल नेपाल ट्रेड युनियन महासङ्घ (अन्टुक) चितवनका उपाध्यक्ष जितबहादुर थापाले बधाई तथा सफल कार्यकालको शुभकाना व्यक्त गर्नुभएको थियो ।
कार्यक्रममा रक्तिम सांस्कृतिक अभियानका केन्द्रीय उपाध्यक्ष मोहराज शर्मा, अखिल नेपाल महिला सङ्घ चितवनकी जिल्ला सदस्य माया पौडल, किसान प्रतिनिधि गुणनिधि आचार्य, लक्षुमन चालिसे र भगवती शर्माले पनि शुभकामना दिनुभएको थियो ।
भविश्वर शर्माको सञ्चालन तथा विष्णु पौडेलको अध्यक्षता अघि बढेको उक्त कार्यक्रममा रक्तिम चितवनका कलाकारहरूले सांस्कृतिक कार्यक्रम प्रस्तुत गर्नुभएको थियो
