भरतपुर । कतार नेपाली एकता समाजले मिर्गौलापीडित शशिधर विकलाई २८,३०० (अक्षरेपि अट्ठाइस हजार तीन सय रुपियाँ) सहयोग गरेको छ ।

समाजका केन्द्रीय सचिवालय सदस्य खिम बुढा र राष्ट्रिय जनमोर्चा चितवनका सदस्य गोविन्दलाल विकको उपस्थितिमा २०८० असोज २७ गते शनिबार उक्त सहयोग हस्तान्तरण गरिएको हो ।

बागलुङ नगरपालिका वडा नं. १२ अमलाचौर निवासी ४८ वर्षीय विक दुवै मिर्गौला फेल भएर भरतपुर अस्पतालमा डायलासिस गराइरहनुभएको छ ।

कतार एकता समाजले गरेको आर्थिक सहयोग २३,३०० (अक्षरेपि तेइस हजार तीन सय रुपियाँ) र समाजकै केन्द्रीय सदस्य हरिप्रसाद शर्माले पाँच हजार रुपियाँ गरी जम्मा हुन आएको कुल रकम पीडितलाई हस्तान्तरण गरिएको थियो ।

सहयोग गरेपछि पीडित विकले कतार नेपाली एकता समाज र सहयोगी सबैप्रति धन्यवाद ज्ञापन गर्नुभएको थियो ।