काठमाडौँ । नेकपा (मसाल) ले गोविन्दसिंह थापाको शीघ्र स्वास्थ्यलाभको कामना गरेको छ ।

महामन्त्री महामन्त्री मोहनविक्रम सिंहको हस्ताक्षरमा २०८० असोज २४ गते बुधबार प्रेसवक्तव्य जारी गर्दै पार्टीले यस्तो कामना गरेको हो ।

वक्तव्यमा भनिएको छ :

“कामरेड गोविन्दसिंह थापा भर्‍याङबाट लडेर गम्भीर घाइते भई अन्नपूर्ण न्युरो अस्पतालमा उपचारत भइरहेको जानकारी प्राप्त भएको छ । हामीले उहाँको शीघ्र स्वास्थ्यलाभको कामना गर्दछौँ ।”

गोविन्दसिंह थापा असोज २३ गते मङ्गलबार भर्‍याङबाट लडेर घाइते हुनुभएको थियो ।

टाउको र हातमा गम्भीर चोट लागेको अवस्थामा उहाँको काठमाडौँ माइतिघर मण्डलास्थित अन्नपूर्ण न्युरो अस्पतालमा उपचार भइरहेको छ ।