कविलवस्तु । कपिलवस्तुको भारतीय सीमासँग जोडिएको महाराजगञ्ज नगरपालिकामा राजमोको नगर भेला सम्पन्न भएको छ । नेपाली कांग्रेस, नेकपालगायतका दल छोडेर प्रवेश गरेका नवप्रवेशीहरुलाई समेत समेटी राजमोले संगठन विस्तार गरेको हो ।
बिहीबार शान्ति चोकमा सम्पन्न भेलाले जमिल अहमदको अध्यक्षतामा नगर समिति गठन गरेको हो । समितिको उपाध्यक्षमा रामछविले पासी, सचिव राधेश्याम मौर्य, कोषाध्यक्ष शिवपुजन कुर्मी, सदस्यमा लटहीलाल गुप्ता, शैलेश कहार, रामतिरथ पासी, रामटहल मौर्य, शारदा यादव तथा सल्लाहकारमा शालिक रहिदास र वंशिधर गुप्ता रहनुभएको छ ।
कार्यक्रममा राजमो जिल्ला परिचालन समितिका सदस्य केयरसिंह अदैले नवप्रवेशीहरुलाई पार्टीमा स्वागत गर्दै नयाँ निर्वाचिन समितिलाई बधाई तथा शुभकामना दिनुभएको थियो । यस्तै, राजमो शिवराज नगरपालिका–३ का वडा समिति अध्यक्ष रामदेव कुर्मी र तराई मधेश जनवादी मोर्चा महाराजगंजका अध्यक्ष शारदा यादवले पनि बधाई तथा शुभकामना दिनुभएको थियो ।
वर्षौंदेखि विभिन्न पार्टीमा आवद्ध हुँदै आएका नेता कार्यकर्ताहरु राजमोले लिएको नीति तथा सिद्धान्तप्रति आकर्षित भएर ती दल छोडी राजमोमा संगठित भएको बताएका छन् । नवप्रवेशीहरुलाई स्वागत गर्दै नेता अदैले प्रशिक्षणसमेत दिनुभएको थियो ।
मधवा इमिलदीमा टोल भेला
बिहीबार नै राजमोले शिवराज नगरपालिका वडा नं ३ को मधवा इमिलदीमा टोल भेला गरेको छ । भेलाले सुर्यहादुर जिसीको अध्यक्षता ९ सदस्यीय टोल समिति गठन गरेको छ ।
समितिको उपाध्यक्षमा सुर्यबहादुर सुनार, सचिव इश्वरा जैशी, कोषाध्यक्ष केशव जिसी, सदस्यहरुमा पदम सुनार, प्रसाद थारु, कमल जिसी तथा सल्लाहकारमा दुर्गा जिसी र सन्तराम चौधरी रहनुभएको छ ।
