बागलुङबजार । बागलुङ नगरपालिकामा अखिल नेपाल महिला सङ्घको पाँचौँ नगर सम्मेलन सम्पन्न भएको छ ।
केन्द्रीय उपाध्यक्ष लक्ष्मी बासकोटाको प्रमुख आतिथ्यमा २०८० भदौ २३ गते शनिबार सम्मेलन सम्पन्न भएको हो ।
सम्मेलनलाई प्रगतिशील पत्रकार सङ्घका केन्द्रीय सचिव ताराप्रसाद शर्मा, राष्ट्रिय जनमोर्चा गण्डकी प्रदेश उपाध्यक्ष धर्म कुँवर, राजमो जिल्ला सचिवालय सदस्य थानेश्वर सुवेदी र राजमो जिल्ला सल्लाहकार टेकबहादुर रोकाले शुभकामना दिनुभएको थियो ।
आशा केसीको अध्यक्षता तथा रिता खत्रीको सञ्चालनमा अघि बढेको उक्त कार्यक्रममा बबिता रामदामले स्वागत मन्तव्य राख्नुभएको थियो ।
सम्मेलनले आशा केसी अध्यक्ष रहनुभएको महिला सङ्घको नगर समिति गठन गरेको छ ।
समितिको उपाध्यक्षमा विष्णु आचार्य, सचिवमा रचना पौडेल, सहसचिवमा चन्दा सुनार र कोषाध्यक्षमा कौशिला श्रीस रहनुभएको छ ।
त्यस्तै, सदस्यहरूमा मुमा शर्मा, बिना सुवेदी, पविन्द्रा मल्ल, ज्ञानकुमारी रोका, पवित्रा विक र गुमा शर्मा रहनुभएको छ ।
