काठमाडौं । राष्ट्रिय सभाको भदौ २४ गते बिहान ११ बजेका लागि बोलाइएको बैठक अनिश्चितकालका लागि स्थगित भएको छ ।

अर्को वैठकको मिति र समय राष्ट्रिय सभाको अध्यक्ष गणेश प्रसाद तिमिल्सनाले पछि निर्धारण गर्ने गरी अनिश्चितकालका लागि स्थगित भएको संसद सचिवालयले जनाएको हो ।

संसद सचिवालयका महासचिव भरतराज गौतमले विज्ञप्ती निकालेर राष्ट्रिय सभाको अध्यक्षले अर्को सूचनाद्धारा तोक्ने मिति र समयमा बस्ने गरी बैठक स्थगित गरेको जानकारी दिएका छन् ।

राष्ट्रिय सभामा ३ वटा विद्येयक विचाराधीन छ । अध्यागमन विधेयक विद्यायन व्यवस्थापन समितिमा दफाबार छलफल गरि प्रतिवेदन सभामा पेश भइसकेको छ ।

विद्युतीय कारोबार सम्बन्धी विद्येयक र राष्ट्रिय मर्यादा सम्बन्धी विद्येयक विधायन व्यवस्थपन समितिमा दफावार छलफलमा छ ।