डोटी । डोटीको केआईसिंह गाउँपालिकामा राष्ट्रिय जनमोर्चाको भेला सम्पन्न भएको छ ।
शनिबार वायलमा सम्पन्न भेलाले भेलाले कविराज जोशीको अध्यक्षतामा १७ सदस्यीय गाउँपालिका समिति गठन गरेको छ । समितिको उपाध्यक्षमा रामचन्द्र भट्ट, सचिव प्रकाश भट्ट, सहसचिव कृष्ण पुन र कोषाध्यक्षमा विजया बोगटी चयन हुनुभएको छ ।
कार्यक्रममा ज्येष्ठ सदस्यहरुलाई सम्मान गरिएको थियो ।
भेला सफलताको शुभकामना दिँदै जिल्ला अध्यक्ष डबल बोगटीले जनआन्दोलनबाट प्राप्त उपलब्धिमाथि विभिन्न कोणबाट आक्रमण भइरहेको, देशमा प्रतिगामी र साम्राज्यवादी खतरा बढेको उल्लेख गर्दै जनता थप सचेत र संगठित हुनुपर्नेमा जोड दिनु भयो ।
साथै, उहाँले संघीयता र भ्रष्टाचारविरुद्ध आन्दोलन केन्द्रित गर्नुपर्ने बताउनुभयो ।
जिल्ला सम्मेलनको पूर्वसन्ध्यामा राजमोले विभिन्न पालिका तथा वडास्तरका भेला सम्मेलन गरिरहेको छ ।
राजमो डोटीको जिल्ला सम्मेलन यही भदौ ३० र ३१ गते हुन गइरहेको छ ।
