तौलिहवा । माधव भाटक्षेत्री आफ्नै घर अर्थात् राष्ट्रिय जनमोर्चामा फर्किनुभएको छ ।
२०८० भदौ १५ गते शुक्रबार सामाजिक सञ्जालमा प्रेसवक्तव्य जारी गर्दैै उहाँ राजमोमा फर्किनुभएको हो ।
पुन: राजमोमा फर्किँदै गर्दा जारी गर्नुभएको उक्त प्रेसवक्तव्यमा आफू भ्रमवश नेकपा (मशाल) मा लागेकाेमा सबै विषयमा विचार गर्दा सो पार्टी गलत भएको बताउनुभएको छ ।
उहाँले भ्रमवश अन्यत्र लागेका साथीहरूलाई समेत देशको एक मात्र पार्टी राजमोमा फर्कन आह्वान गर्नुभएको छ ।
प्रेसवक्तव्यमा उहाँले भन्नुभएको छ :
“उपर्युक्त सम्बन्धमा म विगत लामो समयदेखि नेकपा (मसाल) का विभिन्न जनवर्गीय सङ्गठनमा काम गर्दै आएको कुरा सर्वविदितै छ तर विगत केही वर्षदेखि पार्टीभित्र चलेको दुई लाइन सङ्घर्षको सन्दर्भमा म भ्रममा परी नेकपा (मशाल) मोटो मशालमा समाहित हुन पुगे तर सबै विषयमा विचार गर्दा सैद्धान्तिक, राजनैतिक एवम् अनुशासनको दृष्टिकोणले नेकपा (मसाल) नै सच्चा क्रान्तिकारी एवम् देशभक्त पार्टी भएको ठहर गर्दै नेकपा (मशाल) कपिलवस्तुको प्रवक्ता एवम् साधारण सदस्यता त्याग गर्दै म पुन: मेरो पुरानै पार्टीमा फर्केको घोषणा गर्दछु र भ्रमवश अन्यत्र लागेका साथीहरूलाई समेत देशको एक मात्र सच्चा पार्टी राष्ट्रिय जनमोर्चामा फर्कन आह्वान गर्दछु ।”
