बागलुङबजार । २०८० भदौ १३ गते बुधबारदेखि कार्यान्वयन आएको बहुचर्चित मिलेनियम च्यालेन्ज कम्प्याक्ट (एम.सी.सी.) परियोजनाको विरोधमा राष्ट्रिय जनमोर्चा बागलुङको ढोरपाटन नगर समितिले आजै विरोधसभा गरेको छ ।
राजमो ढोरपाटन नगर समितिको आयोजनामा बागलुङको बुर्तिबाङ बजारमा र्यालीसहितको कोणसभालाई सम्बोधन गर्दै राजमो गण्डकी प्रदेश सहसचिव खिमविक्रम शाहीले बोल्दै सर्तसहितको एम।सी।सी। परियोजना नेपाल र नेपाली नागरिकका लागि आवश्यक नरहेको बताउँदै उक्त परियोजना फिर्ता हुनुपर्ने बताउनुभयो ।
नेपालसँग विभिन्न बहानामा साम्राज्यवादी अमेरिकाले सम्झौता गरेर चीनसँग लड्नका निम्ति गरिएको तयारीमूलक गतिविधि भएको बताउँदै उहाँले नेपाल र नेपाली नागरिकका निम्ति एम।सी।सी। आवश्यक नरहेका कारण उक्त परियोजना कार्यान्वयन नहुने प्रष्ट पार्नुभयो ।
त्यस्तै, कार्यक्रममा राजमो बागलुङका सचिव भीमलाल पोख्रेलले बोल्दै राज्यले गरेका गतल कार्यको भण्डाफोर गर्न राष्ट्रिय जनमोर्चा सधैँ जागरुक हुने बताउँदै देशको हित विपरीत ल्याइएको एम।सी।सी। परियोजना कार्यान्वयन गर्नका निम्ति आम नागरिक एकबद्ध हुनुपर्नेमा जोड दिनुभयो ।
राजमोनिकट नेताकार्यकर्ताको उल्लेख्य उपस्थिति रहेको कार्यक्रमको सञ्चालन नगर अध्यक्ष दीपक थापाले गर्नुभएको थियो ।
