धनगढी । अखिल (छैठौं) सुदूरपश्चिम प्रदेश समितिको अध्यक्षमा टंक अवस्थी चयन हुनुभएको छ ।
हालै कैलालीको अत्तरियामा सम्पन्न अखिल (छैठौं) को प्रदेश भेलाले डडेल्धुराका विद्यार्थी नेता अवस्थीको अध्यक्षतामा नयाँ समिति चयन गरेको हो ।
प्रदेश समितिको उपाध्यक्षमा ज्योति राउत (कैलाली), सचिव अजय विक (कैलाली), सहसचिव विमल रोस्यारा (डेटी) र कोषाध्यक्षमा पवल विष्ट (डडेल्धुरा) चयन हुनुभएको छ ।
सदस्यहरुमा दिनेश खड्का (कैलाली) र भरत धामी (बझाङ) तथा वैकल्पिक सदस्यमा शेखर कार्की (कञ्चनपुर) र कृष्णा धामी (डोटी) चयन हुनुभएको छ ।
भेलाले पाँच जनालाई सल्लाहकार चयन गरेको छ । जसमा विमला पन्त (दार्चुला), तेज जोशी (डोटी), राधिका जोशी (बझाङ), कृष्ण तिमिल्सेना (कैलाली) र कर्म जोशी (डडेल्धुरा) रहनुभएको छ ।
प्रदेश अध्यक्ष टंक अवस्थीको अध्यक्षतामा सम्पन्न भेलाको उद्घाटन अखिल (छैठौं) का केन्द्रीय कोषाध्यक्ष तथा सुदूरपश्चिम इन्चार्ज हेमराज भट्टले गर्नुभएको थियो । कार्यक्रममा राष्ट्रिय जनमोर्चाका केन्द्रीय सचिवालय सदस्य तथा प्रदेश अध्यक्ष नन्दराज भट्टले प्रशिक्षण दिनुभएको थियो ।
कार्यक्रममा जनजाती नेता खडक राना, राजमो प्रदेश सदस्य विर्खराज पन्त र अखिल (छैठौं) का केन्द्रीय सदस्य अजय विकले भेला सफलताको शुभकामना दिनुभएको थियो ।
