दिनेश रैदास, दाङ ।
घोराहीमा बाल क्लब घोराही दाङको आयोजनामा आधारभूत उद्घोषण तालिमको समापन गरिएको छ ।
बालबालिकाको क्षमता अभिवृद्धिका लागि सञ्चालन गरिएको तालिम एक कार्यक्रमका बिच २०८० भदौ २ गते शनिबार नेपाल पत्रकार महासङ्घ दाङ शाखाको सभाहलमा सम्पन्न भएको हो ।
कार्यक्रमलाई सम्बोधन गर्दै नेपाल पत्रकार महासङ्घ दाङ शाखाका अध्यक्ष दुर्गालाल केसीले बोल्ने कुरा हामीले घरपरिवार, समाज, विद्यालयलगायत सबै ठाउँमा बोलेर आफ्ना कुरा बुझाउन र सम्झाउन सक्नुपर्छ । बोली व्यवहारलाई क्षमता वृद्धि गर्नका लागि आधारभूत उद्घोषण तालिम, बाल क्लबमा जोडिएर आफूलाई बोल्न, सिक्न कहिले पछि हट्नु हुँदैन भन्नुभयो।
त्यसैगरी आधारभूत उद्घोषण तालिमलाई प्रशिक्षार्थी बालबालिकालाई कार्यक्रममा बोल्ने, सम्बोधन गर्न प्रयोगात्मक तरिकाले सवै बालबालिकालाई अगाडि बोलाएर पालैपालो बोल्न लगाउनुभएको थियो ।
प्रशिक्षक प्रमोद धितालले आधारभूत उद्घोषण तालिमको उद्देश्यबारे बोल्दै हाम्रो समाज हामीले सोचेकोजति सजिलो नभएको भन्दै प्रशिक्षण दिनुभयो।
समापन कार्यक्रममा उपस्थित अभिभावक र प्रशिक्षार्थी लगायतले बोल्नुभएको थियो ।
बाल क्लबको अध्यक्ष मेधावी बुढाथोकीले सहजीकरण गर्नुभएको थियो ।
तालिममा २५ जना ति प्रशिक्षार्थीहरू सहभागी रहेका थिए ।
