कञ्चनपुर । राष्ट्रिय जनमोर्चा, कञ्चनपुरले जिल्लाको शुक्लाफाँटा नगरपालिका–१२ मा संगठन विस्तार गरेको छ ।
सोमबार जिल्ला अध्यक्ष रामबहादुर कार्कीको विशेष उपस्थितीमा सम्पन्न भेलाले वडा समिति निर्माण गरेको हो ।
९ पूर्ण र तीन सल्लाहकार सहित १२ सदस्यीय समितिको अध्यक्षमा वीरेन्द्र विष्ट, सचिव डम्बरराज भट्ट र कोषाध्यक्ष हिरादेवी बोहरा चयन हुनुभएको छ । सदस्यहरुमा डम्बर नेगी, नरबहादुर विष्ट, हरिनादेवी पुजारा, धनबहादुर बोहरा, गजेन्द्र राना रहनुभएको छ भने एक स्थान रिक्त राखिएको छ ।
समितिको सल्लाहकारमा वीरबहादुर बोहरा, टुङ्गे बोहरा र भानबहादुर कार्की रहनुभएको छ ।
भेलाले जिल्ला सम्मेलन सफल पार्न जिम्मेवारी बाँडफाँट गरेको अध्यक्ष कार्कीले जानकारी दिनुभयो ।
राष्ट्रिय जनमोर्चा कञ्चनपुरको सम्मेलन भदौ २५ र २६ गते बेलौरीमा हुँदैछ । सम्मेलनको उद्घाटन गर्न अध्यक्ष चित्रबहादुर केसी जाने कार्यक्रम छ ।
सम्मेलन तयारीका क्रममा राजमोले विभिन्न पालिकाहरुमा भेला, सम्मेलन, बैठकलगायत संगठन विस्तारको काम गरिरहेको छ ।
राजमो कैलाली-कञ्चनपुरको सम्मेलन तयारी तीब्र, अध्यक्ष केसीले उद्घाटन गर्ने
