कृष्ण केसी, भरतपुर ।
अखिल नेपाल महिला सङ्घ चितवनको चौथो जिल्ला भेला केन्द्रीय अध्यक्ष मीना पुनको विशेष उपस्थितिमा सम्पन्न भएको छ ।
राष्ट्रिय जनमोर्चाको जिल्ला कार्यालय भरतपुरमा २०८० साउन २० गते शनिबार सो भेला सम्पन्न भएको हो ।
भेलामा अध्यक्ष मीना पुनले नेपाली महिलाको अवस्था र उनीहरूको मुक्ति आन्दोलनको बारेमा चर्चा गर्नुभएको थियो ।
सो अवसरमा उहाँले महिलाहरू आफै सचेत र सङ्गठित नभइकन कसैले उनीहरूको मुक्ति नदिने स्पष्ट पार्नुभएको थियो ।
भेलामा महिला सङ्घकी केन्द्रीय सदस्य बालकुमारी आचार्य, राजमो केन्द्रीय सदस्य डम्मर पुरी, रक्तिम सांस्कृतिक अभियानका कोषाध्यक्ष मोहराज चालिसे, अन्तर्राष्ट्रिय नेपाली एकता समाजका सचिव देवनारायण पोखरेल, नेकपा (मसाल) चितवनका प्रवक्ता मेघराज ढकाल, अखिल नेपाल ट्रेड युनियन महासङ्घ (अन्टुक) का जितबहादुर थापा र अखिल नेपाल युवक सङ्घका चितवननका छवि शर्माको पनि आतिथ्य रहेको थियो ।
भेलाले बालकुमारी आचार्य अध्यक्ष रहनुभएको महिला सङ्घको चितवन जिल्ला समिति चयन गरेको छ ।
समितिको उपाध्यक्षमा चन्द्रा केसी, सचिवमा कुमारी शर्मा, सहसचिवमा सीतामाया पौडेल र कोषाध्यक्षमा सीता क्षेत्री चयन हुनुभएको छ ।
समितिको सदस्यहरूमा सीता पौडेल, कमला केसी, पुष्पा राना, मन्जु शर्मा, माया भण्डारी, उमा चालिसे, माया केसी र गोमा सुवेदी रहनुभएको छ ।
त्यस्तै, वैकल्पिक सदस्यमा कला शर्मा, छमी कार्की र लक्ष्मी चालिसे रहनुभएको छ भने सल्लाहकारमा विमला महतारा, यशोधा शर्मा, देवी शर्मा, पूर्णकला चालिसे (सीता) र विष्णु लामिछाने रहनुभएको छ ।
सङ्घको पहिलो बैठकले जिल्ला समितिको सचिवालयमा बालकुमारी आचार्य, चन्द्रा केसी, कुमारी शर्मा, सीता क्षेत्री र माया भण्डारीलाई चयन गरेको प्राप्त समाचारमा उल्लेख छ ।
देवी शर्माको सञ्चालन तथा चन्द्रा केसीको अध्यक्षतामा अघि बढेको सो कार्यक्रममा उपस्थित जनसमुदायलाई कुमारी शर्माले स्वागत गर्नुभएको थियो ।
