पेरिस । फ्रान्समा गत महिनाको अन्त्यमा भएका दङ्गामा सात सयभन्दा बढीलाई जेलसजाय सुनाइएको छ ।
फ्रान्सेली न्यायमन्त्री न्यायमन्त्री एरिक डुपोन्ड मोरेट्टले सो जानकारी दिनुभएको हो ।
जुलाई १९, २०२३ बुधबारसम्म एक हजार दुई सय ७८ निर्णय सुनाइएकोमा ९५ प्रतिशतभन्दा बढी प्रतिवादी तोडफोड, चोरी, आगजनी वा प्रहरी अधिकारीलाई आक्रमण गर्ने अभियोगमा दोषी ठहरिएको जानकारी उनले आरटीएल रेडियोलाई दिएका छन् ।
न्यायमन्त्री मोरेट्टीका अनुसार करिब छ सय जनालाई पहिले नै जेल पठाइएको छ । देशमा शान्ति सुव्यवस्था कायम गर्न त्यसो गर्नुको विकल्प थिएन । सन् २००५ पछि फ्रान्समा यति विशाल हुलदङ्गा एवम् हिंसात्मक झडप भएका थिएनन् ।
गत जुन २७ मा एक जना प्रहरी अधिकारीले १७ वर्षका फ्रान्सेली–अल्जेरियन किसोरलाई गोली हानेपछि देशभर हिंसा भड्किएको थियो । सुरक्षाकर्मी र प्रदर्शनकारीबिच चार दिन चार रात गम्भीर झड्पपछि स्थिति नियन्त्रणमा आएको थियो ।
त्यसका लागि ४५ हजार सुरक्षाकर्मी सशस्त्र सवारी साधनका साथ परिचालन भएका थिए । (रासस/एएफपी)
