महेश रिजाल, भालुबाङ ।
राष्ट्रिय जनमोर्चाका कार्यवाहक अध्यक्ष रश्मिराज नेपालीले बडादसैँजस्ता चाडपर्वले नेपाली मौलिकताको रक्षा गर्ने बताउनुभएको छ ।
दाङमा राजमो राप्ती गाउँपालिकाले २०८३ कात्तिक ७ गते लालमटियामा आयोजना गरेको बडादसैँ शुभकामना आदानप्रदान कार्यक्रममा प्रमुख अतिथिको आसनबाट मन्तव्य राख्दै उहाँले सो विचार व्यक्त गर्नुभएको हो ।
कार्यक्रमको उद्घाटनपछि शुभकामना मन्तव्य राख्दै कावा अध्यक्ष नेपालीले नेपालीको चाड बडादसैँ, तिहार र छठपर्वको अवसरमा सबैप्रति शुभकामना व्यक्त गर्नुभयो ।
‘हाम्रा यी चाडपर्वले नेपाली मौलिकताको रक्षा गर्दछन्’ अध्यक्ष नेपालीले भन्नुभयो– ‘यिनीहरूले राष्ट्रियता बलियो बनाउन पनि भूमिका खेल्छन् ।’
चाडपर्वले नेपाली परम्परालाई निरन्तरता दिएको बताउँदै उहाँले फिजुलखर्च तथा पश्चिमा छाडा संस्कृतिलाई रोक्न र नेपालीपनलाई जगेर्ना गर्न यस्ता पर्वको महत्त्व रहने स्पष्ट पार्नुभयो ।
कार्यक्रममा विशिष्ट अतिथिको आसनबाट राजमो लुम्बिनी प्रदेश समितिका सल्लाहकार सुरेश थापासँगै अखिल नेपाल युवक सङ्घका पूर्व अध्यक्ष काशिनाथ पोखे्रल तथा केन्द्रीय सदस्य चन्द्रप्रसाद आचार्य, अखिल नेपाल किसान महासङ्घ (अप्फा) का पूर्व कोषाध्यक्ष प्रेमनारायण आचार्य तथा केन्द्रीय सदस्य विष्ण्ॉप्रसाद आचार्य, अखिल नेपाल बुद्धिजिीवी सङ्घका केन्द्रीय सदस्य केशवराज खनाल र अखिल नेपाल कानुन व्यवसायी सङ्घका केन्द्रीय सदस्य अधिवक्ता कृष्णप्रसाद आचार्यले पनि मन्तव्य राख्नुभएको थियो ।
त्यस्तै, अखिल नेपाल जनजाति सम्मेलन दाङका सचिव दलबहादुर घर्ती, अखिल नेपाल महिला सङ्घ दाङकी अध्यक्ष कमला बेल्बासे, रक्तिम सांस्कृतिक अभियान दाङका अध्यक्ष विक्रम पाण्डे, ऐरावति आदर्श बहुमुखी क्याम्पसका सहायक क्याम्पसप्रमुख तुल्सिराम पौडेल, राप्ती गाउँपालिका–२ का वडासदस्य मनबहादुर पुन, राप्ती गाउँकार्यपालिकाकी सदस्य चम्फा भुसाल, मूल प्रवाह अखिल भारत नेपाली एकता समाजका मङ्गलसिंह घर्तीलगायतले पनि शुभकामना दिनुभएको थियो ।
राजमो राप्तीका अध्यक्ष ठाकुरप्रसाद आचार्यको अध्यक्षतामा अघि बढेको उक्त कार्यक्रममा माधवप्रसाद आचार्यले स्वागत गर्नुभएको थियो भने कार्यक्रमको सञ्चालन डिलाराम पौडेल र गिरबहादुर पौडेलले गर्नुभएको थियो ।
