भोपाल (भारत) । राष्ट्रिय जनमोर्चाका उपाध्यक्ष जनकराज शर्माले प्रवासी नेपालीले आफ्नो राष्ट्रलाई बिर्सन नहुने बताउनुभएको छ ।
मूल प्रवाह अखिल भारत नेपाली एकता समाज मध्यउत्तर क्षेत्रीय समितिको छैटौँ सम्मेलनको उद्घाटन गर्दै उहाँले यस्तो अभिव्यक्ति दिनुभएको हो । सम्मेलन गत मे २७ र २८ (२०२३) मा मध्यप्रदेशको मुकाम भोपालमा सम्पन्न भएको थियो ।
‘प्रवासी नेपालीहरूले आफ्नो श्रम बेचिरहेका छन् । त्यसका बाबजुद उनीहरूले आफ्नो राष्ट्र र गौरवको बिर्सनु हुँदैन’ उहाँले भन्नुभयो– ‘राष्ट्रियता दिनप्रतिदिन कमजोर हुँदैछ । प्रवासी नेपालीहरू राष्ट्र र राष्ट्रियताप्रति गम्भीर बन्नुपर्दछ ।’
पुँजीवादले नेपाली जनतालाई सुनियोजित प्रकारले लुट्दै गएको बताउँदै उहाँले विश्व राजनीतिक वृत्तमा साम्राज्यवादी शक्तिले नेपाललाई उपयोग गर्न यस्तो गरिएको बताउनुभयो ।
नेपालमा राजनीतिक पार्टीहरूले आफ्नो सत्ता टिकाउनकै लागि विदेशी शक्तिलाई खुसी पार्न देशको विभिन्न स्थानलाई समेत विदेशीले आफ्नो मानचित्रमा पार्दा समेत मौन भएको बताउनुभयो । उपाध्यक्ष शर्माले भन्नुभयो– ‘अमेरिकी साम्राज्यवादको गतिविधि नेपालमा तीव्र रूपमा बढिरहेको छ तर सरकार मौन छ ।’
सम्मेलनमा महासचिव कुलबहादुर थापाले पनि सम्बोधन गर्नुभएको थियो ।
“प्रवासी नेपालीहरूको मताधिकार र समानुपातिक प्रतिनिधित्वको लागि सङ्घर्ष गरौँ ¤ भारतस्थित नेपालीहरूको हकहित र सामाजिक सुरक्षाका लागि सङ्गठित बनौँ” मूल नाराका साथ सम्पन्न उक्त सम्मेलनको अध्यक्षता रामप्रसाद बस्यालले र सञ्चालन नारायण सापकोटाले गर्नुभएको थियो । उद्घाटन समारोहमा छविलाल बञ्जाडे र कलाकारहरूले स्वागत गर्नुभएको थियो ।
घोषणासभाको अध्यक्षता लालबहादुर क्षेत्रीले र सञ्चालन अर्जुन जिएमले गर्नु भएको थियो ।
नवनिर्वाचित समितिको घोषणा केन्द्रीय सचिवालय सदस्य धनवीर पुनले गर्नुभएको थियो ।
सम्मेलनले रामप्रसाद बस्याल (इलाहावाद) अध्यक्ष रहनुभएको क्षेत्रीय समितिको कार्यसमिति गठन गरेको छ ।
समितिको उपाध्यक्षमा लालबहादुर क्षेत्री (भोपाल), सचिवमा नारायण सापकोटा (भोपाल), सहसचिवमा लोकबहादुर गुरुङ (कानपुर) र कोषाध्यक्षमा लक्ष्मिप्रसाद ज्ञवाली (इलाहावाद) रहनुभएको छ ।
समितिको सदस्यहरूमा गोमा थापा (इलाहावाद), वीरबहादुर जिसी (कानपुर), खिमबहादुर केसी (कानपुर), खगराज पौडेल (लखनऊ), रामबहादुर गुरुङ (गोरखपुर), तालबहादुर खड्का (भोपाल), सुरेश पाण्डे (भोपाल), सोनु थापा (भोपाल), दुर्गाप्रसाद न्यौपाने (इल्लाहवाद), अर्जुन जिएम (भोपाल) तथा एक स्थान रिक्त राखिएको छ ।
त्यस्तै, वैकल्पिक सदस्यहरूमा छविलाल बञ्जाडे (इलाहावाद), अनिल आले (इलाहवाद), टोपबहादुर पुन (लखनऊ), भूपेन्द्र शाह (भोपाल) र कमल बिएम (इन्दौर) रहनुभएको छ ।
सम्मेलनले राजु अधिकारी (इलाहावाद), शिवबहादुर विक (कानपुर), अशोक सुनुवार (लखनऊ), टेकबहादुर गुरुङ (गोरखपुर) र लक्ष्मी रोकामगर (भोपाल) लाई सल्लाहकारमा चयन गरेको छ ।
त्यस्तै रामप्रसाद बस्याल, नारायण सापकोटा, लक्ष्मिप्रसाद ज्ञावली, वीरबहादुर जिसी र अर्जुन जिएम रहेको सचिवालयसमेत गठन गरिएको छ ।
सम्मेलनले मध्यउत्तर क्षेत्रीय महिला विभाग गठन गरेको जानकारी दिइएको थियो । विभागको संयोजकमा सोनु थापा (भोपाल) तथा सदस्यहरूमा गोमा थापा (इलाहावाद), गङ्गा ज्ञवाली (इलाहावाद), सविता शर्मा (इलाहावाद), लक्ष्मी रोकामगर (भोपाल), प्रेम शर्मा (भोपाल), श्रीमाया खाम्चाकी (भोपाल), निर्मला क्षेत्री (भोपाल), लक्ष्मी राना (भोपाल), हरिकला गुरुङ, कमला बेलबासे, मीना थापा, अमृता बिएम, सविता गुरुङ रहनुभएको छ ।
घोषणासभामा मूल प्रवाहका केन्द्रीय सदस्य भीमबहादुर थापा, रक्तिम सांस्कृतिक अभियानकी केन्द्रीय सदस्य उषा थापा, अखिल भारत नेपाली एकता मञ्चबाट नगेन्द्र ढकाल, जनसम्पर्क समितिबाट लोकमणि शर्मा, जनकल्याण समितिबाट डोलराज भण्डारी, प्रवासी नेपाली सङ्घ भारतबाट ऋषिराम रानाभाट, पशुपति नेपाली समाजबाट विष्णु शर्मा, व्यापारी सङ्घबाट गणेश पाण्डे, डोलराज गैरेलगायतका आतिथ्य रहेको थियो ।
सम्मेलनमा रक्तिम सांस्कृतिक विभागका कलाकारद्वारा सांस्कृतिक कार्यक्रम प्रस्तुत गरिएको थियो । 
