काठमाडौँ । कवि देवकी अभिलाषीको कविता सङ्ग्रह “आदिवासी भोक” लोकार्पण गरिएको छ ।
२०८० वैशाख २९ शुक्रबार नेपाल प्रज्ञा–प्रतिष्ठान, कमलादीमा उक्त कार्यक्रम सम्पन्न भएको हो ।
कुलपति डा. भूपाल राईसहित कवि उषा शेरचन, समालोचक कुमारी लामा, पत्रकार राजकुमार बानियाँले सो कृति लोकार्पण गर्नुभयो ।
लोकार्पण गर्दै कवि तथा कुलपति भूपाल राईले कविता शास्त्र र दर्शन नभएको तर विचार भएको विधा बताएका थिए । त्यही विचारको प्रतिनिधित्व गर्दै आदिवासी भोकको सिर्जना भएको बताउनुभयो ।
कवि एवम् निबन्धकार कुमारी लामाले कविता कृति र कवि देवकी अभिलाषीका बारेमा अत्यन्तै समालोचकिय मन्तव्य राख्नुभयो ।
कवि उमेश अकिञ्चनले कवि देवकी अभिलाषी कवि मात्रै नभएर गीतकार र गायिका पनि रहेको र तामाङ सेलो “याम्बुको सहरमा” देवकीले आफ्नै रचनामा रहेको शब्दलाई स्वरमा उतारेको खुलासा गर्नुभयो ।
पत्रकार, समालोचक राजकुमार बानियाँले देवकी अभिलाषी कविताहरू समग्रमा अत्यन्तै राम्रो रहेको कुरा बताउभयो ।
गैरआवासीय नेपाली सङ्घ अमेरिकाद्वारा प्रकाशित उक्त कविता सङ्ग्रहमा ४२ कविता छन् । उर्वरा फाउन्डेसनको आयोजनामा भएको कार्यक्रमको सभापतित्व उषा शेरचन र सञ्चालन बाबु त्रिपाठीले गर्नुभएको थियो ।
देवकी अभिलाषीकी बहिनी नेपाली राइटर एसोसिएसनकी सचिव, उर्वरा फाउन्डेसन नेपालको अध्यक्ष तथा उर्वरा पत्रिका प्रकाशक र प्रधान सम्पादक पनि हुनुहुन्छ ।
