कैलाली । संगठनात्मक अभियान सञ्चालन गरिरहेको राष्ट्रिय जनमोर्चाले कैलालीका विभिन्न स्थानमा जनभेटघाट, सदस्यता वितरण, समिति गठन लगायतका कार्यक्रम गरिरहेको छ ।
फागुन १ गतेदेखि विभिन्न टोली बनाएर जिल्लाब्यापीरुपमा अभियान सञ्चालन भइरहेको छ । यसैक्रममा पूर्वी क्षेत्रमा परिचालित टोलीले लम्की चुहा नगरपालिका–१० स्थित राष्ट्रिय नवजागृत उमाविमा अखिल (छैठौं) को इकाइ समिति गठन गरेको छ।
जानकी जोशीको अध्यक्षतामा गठित समितिमा उपाध्यक्ष पूर्ण प्रसाद जोशी, सचिव दिपीका जोशी, सहसचिव विपना खड्का र कोषाध्यक्षमा रेखा जैसी चयन हुनुभएको छ । सदस्यहरुमा चन्द्रा जोशी, कमला भण्डारी, मैना जैसी, दुर्गा विष्ट, निर्मला जैसी, यसोदा जैसी, अनुस्का कुँवर, सुमन चौधरी, बिमला भारती, सिद्व पाध्य, मदन बिष्ट, भरत बिष्ट, हेमन्त जोशी र अमृत कठरीया रहनुभएको छ ।
राजमोका जिल्ला अध्यक्ष दयाराम सञ्ज्याल नेतृत्वको टोलीले संगठन निर्माण गरेको हो । कार्यक्रममा नेकपा (मसाल)का जिल्ला प्रवक्ता मिलन शाही, जातीय समता समाजका केन्द्रीय सदस्य तिलक परियार, राजमो जिल्लला सचिव सगत जोशी, राजमो जिल्ला सल्लाहाकार रामबहादुर शाही र राजमो नगर समिति सदस्य भरत बुढाको उपस्थिती रहेको थियो ।
यो पनि पढ्नुहोस्ः
सुदूरपश्चिममा सुरु भयो संगठनात्मक अभियान
