इटहरी । नेकपा (मसाल) कोशी प्रदेशले ऐतिहासिक तीन अभियानको उद्घाटन गरेको छ ।
सुनसरीको इटहरीस्थित राष्ट्रिय जनमोर्चाको प्रदेश कार्यालयमा २०८० वैशाख १८ गते सोमबार सो कार्यक्रम सम्पन्न भएको हो ।
कार्यक्रमको उद्घाटन राजमो केन्द्रीय सल्लाहकार टङ्क गौतमले गर्नुभएको थियो । प्रमुख अतिथि गौतमले सो अवसरमा मन्तव्यसमेत राख्नुभएको थियो ।
कार्यक्रमको पूर्वाद्र्धमा सहिद मित्रमणि आचार्य तथा ज्ञातअज्ञात सहिदको सम्मानमा एक मिनट मौनधारण गरिएको थियो ।
सो अवसरमा मित्रमणि दिवसका सन्दर्भमा पनि कार्यक्रममा अखिल (छैठौं) का उपाध्यक्ष नविन पाण्डेले मित्रमणि आचार्यको विषयमा प्रकाश पार्नुभएको थियो ।
जीवन बरालको उद्घोषण तथा हरिलाल अधिकारीको अध्यक्षतामा अघि बढेको उक्त कार्यक्रममा स्वागत मन्तव्य विमल पौडेलले गर्नुभएको थियो ।
कार्यक्रममा राजमो प्रदेश अध्यक्ष अमृतबहादुर पाण्डे, अखिल (छैठौं) का प्रदेश अध्यक्ष देवेन्द्र पौडेल, राजमो सुनसरीका विष्णु खवास, राजमो सङ्खुवासभाका लीलाबहादुर खत्री, राजमो सुनसरी बराह नगर समितिका कृष्ण खड्का र राजमो सुनसरी इटहरी उपमनपाका लक्ष्मिकान्त पाण्डेले मन्तव्य राख्नुभएको थियो ।
मसालले ऐतिहासिक तीन अभियान अन्तर्गत कम्युनिष्ट पार्टीको स्थापना भएको ७५ वर्षका अवसरमा हिरक जयन्ती, लेनिनको स्मृति शताब्दी दिवस र पार्टीको नवौं महाधिवेशन को तयारी अन्तर्गत वर्षभरी देशव्यापी कार्यक्रम सुरु गरेको हो ।
