दाङ । अखिल नेपाल जनजाति सम्मेलन र जातीय समता समाजको ३६ औँ स्थापना दिवस मनाइएको छ ।
दुवै संगठनका जिल्ला समितिको संयुक्त आयोजनामा आइतबार आयोजित संयुक्त कार्यक्रममार्फत स्थापना दिवस मनाएको हो ।
कार्यक्रममा वक्ताहरुले वर्गीय समस्या हल भयो भने जातीय समस्या पनि बिस्तारै कम हुने बताउनुभयो । उहाँहरुले साम्राज्यवादी र पृथकताबादी शक्तिहरुले जाती जनजातिलाइ विभाजित गरेर द्वन्द्वको वातावरण सिर्जना गरेको बताउनु भयो ।
दुवै संगठनको आज भन्दा ३६ वर्ष पहिले सँगै स्थापना भएको थियो ।
जातीय समता समाजका जिल्ला अध्यक्ष सूर्यलाल नेपालीको अध्यक्षता र अखिल नेपाल जनजाती सम्मेलन का केन्द्रीय उपाध्यक्ष रमेशमान गुरुङको प्रमुख आतिथ्यतामा भएको कार्यक्रममा राष्ट्रिय जनमोर्चाका केन्द्रीय सदस्य तथा जिल्ला अध्यक्ष गणेश आचार्य, अखिल नेपाल युवक संघ पूर्वकेन्द्रीय अध्यक्ष कासिनाथ पोख्रेल, राष्ट्रिय जनमोर्चा जिल्ला सदस्य सुशील पोख्रेल, तराइ मधेश जनवनदी मोर्चाका जिल्ला सदस्य सुन्दर चौधरीले मन्तव्य राख्नु भएको थियो ।
जातीय समता समाजका जिल्ला सचिव बलदेव विकको स्वागत मन्तव्यबाट सुरु भएको कार्यक्रमको सञ्चालन अखिल नेपाल जनजाती सम्मेलनका जिल्ला सचिव दलबहादुर घर्तीले गर्नु भएको थियो ।
