खिमबहादुर विक, प्युठान ।
राष्ट्रिय जनमोर्चा झिमरुकले गाउँपालिकाका सबै वडाहरुमा भेला तथा सम्मेलन गर्ने क्रममा वडा नं ३ को सम्मेलन सम्पन्न गरेको छ ।
वडाको केन्द्र आहालखोला डाडाडिही मैदानमा भएको भेलाको उद्घाटन राजमो जिल्ला सदस्य एवम् झिमरुक गाउँपालिका समितिका अध्यक्ष सिद्दिमान जिसिले गर्नुभएको थियो ।
कार्यक्रमलाई सम्बोधन गर्दै प्रमुख अतिथि जिसीले ३ नं वडा राजमोको राम्रो सांगठनिक आधार भएको क्षेत्र रहेको स्पष्ट पार्दै संगठनलाई थप मजबुत बनाउन सम्मेलन गरिएको बताउनुभयो । उहाँले नवनिर्वाचित समितिले पार्टीको राष्ट्रियता र जनजीविकाको सम्बन्धमा लिएको नीतिलाई व्यापक रुपमा जनताको घरदैलोमा पुराउन आग्रह गर्नुभयो ।
सम्मेलनलाई सम्बोधन गर्दै जातीय समता समाजका जिल्ला सचिव खिमबहादुर विकले चुनावमा हुने हारजितलाई सामान्य रुपमा लिनुपर्ने उल्लेख गर्दै पार्टीले संघीयताको खारेजी, राष्ट्रियताको रक्षा, गणतन्त्रको सुदृढीकरण र जनजीविकासँग सरोकार राख्ने विषयमा स्पष्ट नीति लिएको बताउनुभयो ।
कार्यक्रममा मीनबहादुर खत्री, विनोद विक, सुवास जिसि, मन्जु महतारा, जमुना विकले पनि सम्बोधन गर्नु भएको थियो ।
सम्मेलनले नवराज केसीको नेतृत्वमा १७ पूर्ण र तीन सल्लाहकारसहितको समितिको चयन गरेको छ । नयाँ समितिको घोषणा राजमो पालिका सचिव केसरजंग एमसीले गर्नु भएको थियो ।
सम्मेलन तेजबहादुर खड्काको अध्यक्षता तथा वसन्ता केसीको स्वागत र नवराज केसीको सन्चालमा अगाडि बढेको थियो ।
सोही कार्यक्रममा अखिल नेपाल किसान महासंघको वडा समिति समेत चयन गरिएको छ । शोभाराम पौडेलको अध्यक्षतामा १९ पूर्ण र ४ सल्लाहकार सहितको समिति किसान महासंघका प्युठान जिल्ला अध्यक्ष मीनबहादुर खत्रीले प्रस्तुत गर्नु भएको थियो ।
