काठमाडौं । राष्ट्रिय सहकारी महासंघ र भूमि व्यवस्था, सहकारी तथा गरिबी निवारण मन्त्रालको संयुक्त आयोजना दुई दिने राष्ट्रिय सहकारी महासम्मेलन गर्ने भएको छ ।
मंगलवार काठमाडौंमा पत्रकार सम्मेलनको महासंघले चैत २३ गतेदेखि २५ गतेसम्म काठमाडौंमा तेस्रो राष्ट्रिय सहकारी महासम्मेलन गर्न लागेको जानकारी दिएको हो । सहकारी महासम्मेलनको प्रधानमन्त्री पुष्पकमल दाहालले उद्घाटन गर्ने बताएको छ ।
पत्रकार सम्मेलनमा बोल्दै तेस्रो राष्ट्रिय सहकारी महासम्मेलन स्टेरिङ कमिटि सदस्य सचिव चित्रकुमारी थाम्सुहाङ सुब्बाले सहकारीको दिगोपनका लागि स्वनियम तथा सुशासन कायम गर्ने मुख्य उद्देश्य रहेको बताउनु भयो ।
उहाँले सम्मेलनमा सरकारका प्रतिनिधि,जनप्रतिनिधि,सातै प्रदेशका सहकारी कर्मी,निजी क्षेत्रका प्रतिनिधि,गैरसहकारी संघ,विश्वविद्यालयका प्राध्यापकहरु र अन्तर्राष्ट्रिय सहकारी अभियान्ताहरुको गरी करिव एक हजार जनाको सहभागिता हुने बताउनु भयो । उहाँले सम्मेलनमा भाग लिन अस्ट्रेलिया,जापान,भारत लगायतका विज्ञहरुको सहभागिता रहने बताउनु भयो ।
त्यस्तै राष्ट्रिय सहकारी महासंघका अध्यक्ष मिनराज कँडेलले सम्मेलनमा नेपालको सहकारी अभियानको अवस्था,वर्तमान समस्या र चुनौतिको विषयमा छलफल हुने बताउनु भयो । उहाँले सम्मेलनमा राष्ट्रिय तथा अन्तर्राष्ट्रिय विज्ञहरुबाट सहकारीका विभिन्न विषयमा कार्यपत्र प्रश्तुत हुने बताउनु भयो । उहाँले २०३० सम्म दिगोविकासको लक्ष्य पूरा गर्न सहकारीले कस्तो भुमिका खेल्दैछ भन्ने विषयमा छलफल हुने बताउनु भयो ।
उहाँले अब नेपालको सहकारी अभियानको दिशा निर्देश गर्नेको लागि महासम्मेलन गर्न लागेको बताउनु भयो ।
