काठमाडौं । नेपाली कांग्रेस उपसभापति पूर्णबहादुर खड्काको नेतृत्वमा प्रधानमन्त्री पुष्पकमल दाहाल ‘प्रचण्ड’ नेतृत्वको सरकारमा जाने भएको छ।
शनिबार दिउँसो पार्टी सभापति शेरबहादुर देउवा निवास धुम्बाराहीमा बसेको पदाधिकारी बैठकमा सो निर्णय गरेको हो ।
कांग्रेसका एक पदाधिकारीका अनुसार कांग्रेसले जुनसुकै हालतमा पनि अर्थ मन्त्रालय लिनेगरी तयारी अघि बढाएको छ।
यस्तै, कांग्रेसले आठवटा मन्त्रालय पाउनुपर्ने दाबीसमेत गरेको छ ।
यता, नेकपा (एकीकृत समाजवादी) पार्टी वेदुराम भुसालाको नेतृत्वमा सरकारमा सहभागी हुने भएको छ । घनश्याम भुसालका लागि महासचिव छाडेर उपाध्यक्ष बनेका भुसाललाई सो पार्टीले सरकारमा पार्टीको नेतृत्व गर्दै पठाउन लागेको हो । भुसाल राष्ट्रिय सभा सदस्य हुन् ।
एकीकृत समाजवादीले सरकारमा तीन वटा मन्त्रालयको दाबी गरिरहेको छ । पहिलो चरणमा भुसाल, प्रकाश ज्वाला र भानुभक्त जोशीलाई मन्त्री बनाउन तयारीमा एकीकृत समाजवादी रहेको छ ।
