काठमाडौं । काठमाडौंमा वृद्ध महिलालाई फकाइ फुल्याइ एकान्तमा लगेर गहना लुटपाट गर्ने एक महिला र गहना किन्ने दुई पुरुष पक्राउ परेका छन् ।
काठमाडौं महानगरपालिका–६ स्थित बौद्ध स्तुपामा पुजा आजा गर्न आएका एकल वृद्ध महिलाहरुलाई अन्दाजी ४० वर्षकी अपरिचित महिलाद्वारा ललाइ फकाइ एकान्त स्थानमा लगि सुनका गर गहना लुटपाट गर्ने गरेको भन्ने पीडितहरुको निवेदन तथा सीसीटिभी फुटेजको आधारमा उनीहरु फेला परेका प्रहरीले जनाएको छ
यही चैत ६ गते बेलुका ५ बजेको समयमा ८४ वर्षीया बसुन लामालाई फकाइ लिएर हिँड्दै गरेको अवस्थामा दोलखा मेलुङ गाउँपालिका–५ घर भइ हाल गोकर्णेश्वर नगरपालिका–७ दक्षिणढोका बस्ने वर्ष ४१ कि मन्जु मगरलाई प्रहरी वृत्त बौद्दबाट खटिएको प्रहरीले नियन्त्रणमा लिएको थियो।
सोध पुछका क्रममा मगरले विभिन्न घटनाहरु स्वीकार गर्नुका साथै लुटपाट गरेका गर गहना गोकर्णेश्वर–६ नारायणटारस्थित इके भगवती ज्वेलर्स र कबिता ज्वेलर्समा बिक्री गरेको छु भन्ने साबिती बयान दिएकी थिइन्। उल्लेखित ज्वलेर्समा सोधपुछ गर्दा ती महिलाबाट खरिद गरेका एक थान तिलहरी, कानको रिङ्ग, बैंकमा बन्दकी राखेको समेत स्वीकार गर्नुका साथै उक्त गहनाहरु गाली पगाली ढिक्का बनाएको अवस्थामा अन्दाजी ७ तोल ५० लाल १ पैन्ट सुन फेला परेको प्रहरीले जनाएको छ।
प्रहरीले गहना खरिद गर्ने गोकर्णेश्वर नगरपालिका–६ नारायणटार घर भइ इके भगवती ज्वेलर्स सन्चालन गरि बस्ने वर्ष ३१ को भाइ राम कृष्ण सुनार र दाइ वर्ष ४० को नमराज विश्वकर्मालाई नियन्त्रणमा लिइ अनुसन्धान कार्य अगाडि बढाएको छ।
