काठमाडौं । राष्ट्रिय स्वत्नत्र पार्टीका सभापति एवम् पूर्व उपप्रधान तथा गृहमन्त्री रवि लामिछानेलाई शक्तिको आडमा राहदानी मुद्दामा उन्मुक्ति दिइएको भन्दै अख्तियार दुरुपयोग अनुसन्धान आयोगमा उजुरी दर्ता भएको छ।
अभियन्ता युवराज सफलले जिल्ला प्रहरी परिसर काठमाडौं, जिल्ला सरकारी वकिल कार्यालय काठमाडौं, उच्च सरकारी वकिलको कार्यालय पाटन र महान्यायधिवक्ताको कार्यालयका पदाधिकारी एंव कर्मचारीविरुद्ध अख्तियारमा उजुरी दिनुभएको हो ।
रविको नागरिकता र राहदानीबारे सर्वोच्च अदालतमा मुद्दा दायर गरेका सफलले अख्तियार दुरुपयोग गरी आरोपितलाई उन्मुक्ति दिएको भन्दै हदैसम्मको कारबाहीको माग गर्दै आइतबार उजुरी दर्ता गराउनुभएको हो ।
सफलले जारी गरेको विज्ञप्तिमा अदालती परीक्षण नगरी उन्मुक्ति दिएकाले आफू पुनः रिट लिएर सर्वोच्च जाने उल्लेख छ ।
आइतबार प्रधानमन्त्री पुष्पकमल दाहालले लिने विश्वासको मतका लागि रविको पासपोर्ट दुरुपयोग मुद्दामा सफाइ दिइएको आरोप लगाइएको छ।
