काठमाडौं । निर्वाचन आयोगले आगामी वैशाख १० गते तनहुँ–१ र बारा–२ र चितवन–२ मा हुने उपनिर्वाचनका लागि दल दर्ता गर्ने समय तोकेको छ ।
उपनिर्वाचनमा भाग लिन आयोगले चैत ८ गतेदेखि चैत १२ गतेसम्म दल दर्ता गराइसक्न सूचना प्रकाशित गरेको छ।
राष्ट्रपति र उपराष्ट्रपतिको निर्वाचनपछि रिक्त भएका ती क्षेत्रमा वैशाख १० गतेउपनिर्वाचन हुँदैछ। यस्तै, चितवन–२ मा पनि वैशाख १० मै उपनिर्वाचन हुँदैछ । सो क्षेत्रका लागि यसअघि नै दल दर्ता भइसकेको छ।
गत मंसिर ४ को निर्वाचनमा चितवन २ बाट निर्वाचित राष्ट्रिय स्वतन्त्र पार्टीका सभापति रवि लामिछानेको नागरिकतासम्बन्धी मुद्दामा सर्वोच्च अदालतबाट सांसद पद बदर भएको थियो।
तनहुँ १ बाट निर्वाचित कांग्रेस नेता रामचन्द्र पौडेल फागुन २५ गते राष्ट्रपति निर्वाचित भएसँगै सांसद पदबाट राजीनामा दिनुभएको थियो ।
त्यस्तै, बारा २ उपराष्ट्रपति रामसहायप्रसाद यादवले उपराष्ट्रपति निर्वाचित भएपछि सांसद पद खाली भएको हो ।
