जनकपुरधाम । जनकपुरधाम उपमहानगरपालिकाका प्रमुख मनोजकुमार साह महामुर्ख घोषित भएका छन् ।
मिथिला नाट्यकला परिषदले होली पर्वका अवसरमा प्रत्येक वर्ष आयोजना गर्दै आएको महामुर्ख सम्मेलनमा नगरप्रमुख साहले महामुर्खको उपाधि पाएका हुन् । उनलाई प्रशस्ती पत्र, लाटोकोसेरोको मुकुट, मालाले सुशोभित गरी सम्मान गरिएको छ।
यस्तै, संचारकर्मी ऋषि धमलालाई पटमुर्ख, संचारकर्मी वीरेन्द्र रमणलाई सोटाचन्द, मटिहानी नगरपालिकाका नगरप्रमुख हरिप्रसाद मण्डललाई वैशाखनन्दन, नेतृ विभा ठाकुरलाई गन्धपसारैन, पूर्वखेलाडी अरुण लाललाई खबसुरता, शिक्षक संजय झा लोढाशंकर, बलराम साहलाई बज्रसोटा, अधिवक्ता रेखा झालाई मनटुटिया, रत्नेश्वरलाल कर्णलाई डपोरशंख, कवियत्रि किरण झालाई टुनमुसरी, मधेस प्रदेशको वन मन्त्रालयका कर्मचारी लालबाबु यादवलाई हराशंख, मोनाष्टिक विद्यालयका डा. सोनुकुमार साहलाई बज्रकिट लगायतको हास्यास्पद उपाधि प्रदान गरिएको थियो।
सो सम्मेलनमा सहभागी कविहरुले आ–आफ्नो कविताको माध्यमले विभिन्न विषयवस्तुमाथि कटाक्ष समेत गरेका थिए।
जनकपुरधाममा विगत २७ वर्षदेखिको महामुर्ख सम्मेलन आयोजना गरिँदै आएको छ ।
