काठमाडौं । राष्ट्रपतिका उम्मेदवार रामचन्द्र पौडेलले राष्ट्रिय प्रजातन्त्र पार्टीसँग मत माग्नुभएको छ । सोमबार राप्रपा कार्यालय धुम्बाराही पुगेर पौडेलले राप्रपा अध्यक्ष राजेन्द्र लिङदेनसँग राष्ट्रपतिमा आफूलाई सहयोग गर्न आग्रह गर्नुभएको हो ।
२४५० मतभार रहेको राप्रपाले हालसम्म राष्ट्रपतिमा कसैलाई पनि मतदान गर्ने निर्णय गरेको छैन। राप्रपाले फागुन २४ गते कार्यसञ्चालन समितिको बैठक बोलाएको छ। त्यही बैठकले निर्णय गर्ने राप्रपाले जनाएको छ ।
नेकपा एमाले–माओवादी केन्द्र गठबन्धनमा उपप्रधानमन्त्रीसहित सरकारमा सहभागी भएको राप्रपा सो गठबन्धन भत्किएर नेपाली कांग्रेस–माओवादी गठबन्धन बनसँगै सरकारबाट बाहिरिएको थियो।
२५ फागुनमा राष्ट्रपति निर्वाचन हुँदैछ। नेपाली कांग्रेसका वरिष्ठ नेतासमेत रहेका पौडेल र एमाले नेता सुवास नेम्वाङ उम्मेदवार छन्। पौडेललाई ९ दलको समर्थन छ भने नेम्वाङलाई अहिलेसम्म एमाले एक्लैको साथ छ।
