काठमाडौं । संघीय संसद् अन्तर्गतको प्रतिनिधिसभाको बैठक आगामी चैत ५ गतेसम्मलाई स्थगित भएको छ। बुधबार दिउँसो १ बजेका लागि आह्वान गरिएको बैठक अन्तिम समयमा स्थगित भएको हो ।
बुधबार बस्ने भनिएको बैठकमा सभामुखले राष्ट्रपतिको कार्यालयबाट प्राप्त कार्यभार तोकिएको पत्र पढेर सुनाउने सम्भावित कार्यसूची थियो ।
राष्ट्रपति र उपराष्ट्रपतिको चुनाव र सभामुख विदेश जाने भएकाले लामो समय संसद बैठक स्थगितको निर्णय भएको बताइएको छ ।
यसअघि नै सभामुख देवराज घिमिरेले मंगलबार दिउँसो शीतल निवास पुगेर राष्ट्रपति विद्यादेवी भण्डारीलाई आफ्नो विदेश भ्रमणबारे जानकारी गराउनुभएको थियो ।
सभामुख घिमिरे अन्तर व्यवस्थापिका संघ (आईपीयु) को १४६ औँ बैठकका लागि ९ सदस्यीय टोलीको नेतृत्व गर्दै आगामी फागुन २६ गते बहराइन जाने कार्यक्रम छ ।
आईपीयु बैठक फागुन २७ देखि चैत १ गतेसम्म बहराइनको मनामा सहरमा हुँदैछ।
