बागलुङ । राष्ट्रिय जनमोर्चा बागलुङले जिल्ला सम्मेलनको तयारीका लागि सङ्गठनात्मक अभियानलाई तीव्रता दिएको छ । अध्यक्ष चित्रबहादुर केसीद्वारा उद्घाटन हुने फागुन १९ देखि २१ गतेसम्मको जिल्ला सम्मेलनको सन्दर्भमा कार्यक्रमले तीव्रता पाएको हो ।

सङ्गठनात्मक अभियानअन्तर्गत बडिगाड गाउँपालिकाअन्तर्गतका विभिन्न वडाहरूमा भेला, सम्मेलन सदस्यता वितरणलगायतका कार्यक्रम सम्पन्न भएको राजमोले जनाएको छ ।

फागुन ७ गते बडिगाड–२ मा भएको सम्मेलनमा राजमोका जिल्ला सदस्य बोमबहादुर थापाको प्रमुख आतिथ्य रहेको थियो । त्यस्तै, प्रेम पुनको अध्यक्षता, एस बनको सञ्चालन तथा द्रोण बनको स्वागतबाट कार्यक्रम अघि बढेको थियो ।

भेलाले १३ सदस्सीय वडा समितिसमेत पुनर्गठन गठन गरेको छ । समितिको अध्यक्षमा प्रेम पुन, उपाध्यक्ष भूपाल वन, सचिव द्रोण वन, सहसचिव नजरदिन मिया र कोषाध्यक्षमा छवि थापासहित सदस्य रहनुभएको छ ।

त्यस्तै, वडा नम्बर ८ को दोस्रो वडा सम्मेलन फागुन ९ गते सम्पन्न भएको छ । नेकपा (मसाल) जिल्ला प्रवक्ता मेकबहादुर पाइजा प्रमुख आतिथ्यमा सम्पन्न कार्यक्रममा लोकबहादुर पाइजाको अध्यक्षता, दलबहादुर श्रीसको सञ्चालन तथा स्वागत रुनमाया थापाले गर्नुभएको थियो ।

सम्मेलनबाट लोकबहादुर पाइजाको अध्यक्षतामा १३ सदस्यीय वडासमिति गठन भएको छ । समितिको उपाध्यक्षमा दलबहादुर घर्ती, सचिवमा दलबहादुर श्रीस, सहसचिवमा चेतनारायण काउचा र कोषाध्यक्षमा जालमति बोहोरा रहनुभउको छ भने समितिमा तनि जना सल्लाहकार रहनुभएको छ ।

त्यसैगरी, वडा नम्बर ४ को जलजलामा फागुन १२ गते वडाभेला सम्मपन्न भएको छ । विमलकुमार श्रीसको अध्यक्षता, टोपबहादुर श्रीसको सञ्चालन तथा शेरबहादुर श्रीसको स्वागतबाट भेला सुरु भएको थियो । भेलामा नेकपा (मसाल) का जिल्ला प्रवक्ता मेकबहादुरको प्रमुख आतिथ्य रहेको थियो ।

भेलाले वडा समितिसमेत गठन गरेको छ र समितिको अध्यक्षमा विमलकुमार श्रीस, उपाध्यक्षमा लालबहादुर श्रीस, सचिवमा शेरबहादुर श्रीस, सहसचिवमा अनिता थापा र कोषाध्यक्षमा धनबहादुर पुनसहित १३ पूर्ण, चार वैकल्पिक र तीन सल्लाहकार रहनुभएको छ ।

वडा नम्बर १ को भेला फागुन १२ गते सम्पन्न भएको छ । राजमो जिल्ला सदस्य बोमबहादुर थापाको प्रमुख आतिथ्य रहेको भेलामा यमबहादुर सलामीको अध्यक्षता, अनिल गिरीको सञ्चालन र स्वागत नरेन्द्र घर्तीले गर्नुभएको थियो ।

भेलाले घमबहादुर सलामीको अध्यक्षतामा १७ सदस्सीय वडासमिति गठन भएको छ । समितिमा उपाध्यक्ष विष्णु सलामी, सचिव भीमबहादुर थापा, सहसचिव शेरबहादुर दर्लामी र कोषाध्यक्षमा देविराम श्रीस रहनुभएको छ ।