गणेश अधिकारी, पोखरा ।
राष्ट्रिय जनमोर्चा कास्कीले संघीयताविरुद्ध संघर्षका कार्यक्रम तय गरेको छ । शनिबार (माघ १४ गते) सम्पन्न राजमो जिल्ला भेलाले संघर्षका कार्यक्रमसँगै संगठन निर्माणको योजना पनि बनाएको छ ।
जिल्ला अध्यक्ष रविमोहन ढकालको अध्यक्षतामा भएको भेलाले माघ २७ गते पोखरामा संघीयता विरुद्ध सभा गर्ने निर्णय गरेको हो ।
साथै, कास्की जिल्ला सम्मेलन आगामी विस. २०८० वैशाखमा गर्ने निर्णय गरिएको छ । सम्मेलन तयारीका लागि ४ वटा गाउँपालिकामा भेला गर्नुका साथै, पोखरा महानगरपालिकालाई ५ वटा एरिया बनाएर छुट्टाछुट्टै एरिया भेला गर्ने निर्णय भएको छ ।
पहिलो चरणमा पोखरा महानगरका वडा नं १६,१९,२५ को संयुक्त भेला यहि माघ १८ गते हेम्जामा हुने छ । जसको जिम्मा गणेश अधिकारी र तम बहादुर रोकालाई दिइएको राजमो कास्कीले जनाएको छ ।
त्यस्तै लेखनाथ एरियाको भेला गर्ने जिम्मा रविमोहन ढकाल, मदनमुरारी घिमिरे, हरि बराल र शान्ति गुरुङलाई दिइएको छ । भेला ताल चोकमा हुनेछ ।
यसैगरी, वडा नं ५,६,७,८,९,१८,१३,२४ को मालेपाटन एरियाको भेला २० गते सिर्जना चोक पार्टी कार्यलयमा हुनेछ । जसको जिम्मेवारी चन्द्रबहादुर केसी, विष्णु पुरी, लक्ष्मी कुँवर, अजित मियालाई दिइएको छ ।
वडा नं १०,११,१२,१३,१४,१५ को संयुक्त भेला २४ गते रामबजारमा गर्ने निर्णय भएको छ । जसको जिम्मा सन्तोष पौडेल, नाम बहादुर बाठा मगर, हरि खत्री, डम्बर थापा, पदम कार्की, गिर बहादुर कुँवर, देविलाल कँडेललाई रहेको छ ।
त्यस्तै गरि छोरेपाटन एरियाको भेला छोरे पाटन गर्ने निर्णय गरेको छ । जसको जिम्मा प्रविन पौडेल र राम प्रसाद पौडेललाई दिइएको छ । साथै उक्त भेलाहरुले विभिन्न वडामा पार्टी सदस्यता वितरण गर्ने, वडा भेला तोक्ने छ ।
त्यस्तै जिल्ला भेलाले दोस्रो चरणमा थप गाउँपलिकाहरुको भेला गर्ने निर्णय समेत गरेको छ ।
यसैगरी माघ २७ गते हुने गण्डकी प्रदेशस्तरीय युवा विद्यार्थीहरुको भेलालाई व्यवस्थापन गर्न गणेश अधिकारी र सोमनाथ अधिकारीलाई जिम्मा तोकेको छ ।
उक्त भेलामा राजमो गण्डकी प्रदेश अध्यक्ष शंकर बरालको विशेष उपस्थिति रहेको थियो ।
